Больш за 530 тысяч падпісчыкаў маюць у сацыяльных сетках радыёстанцыі Белтэлерадыёкампаніі. І, як сведчаць даныя інтэрнэт-актыўнасці, найбольш масавым рэсурсам у дадзеным кантэксце з'яўляецца відэахостынг YouTube, дзе прадстаўленыя Першы нацыянальны канал Беларускага радыё, радыёстанцыя «Радыус FM», Міжнароднае радыё «Беларусь», канал «Культура», радыёстанцыя «Сталіца» і музычныя калектывы Беларускага радыё.
Найбольш запатрабаванай сацыяльнай сеткай у радыёстанцый з'яўляецца «УКантакце», там у пяцёрку лідараў па колькасці падпісчыкаў увайшлі «Радыё Віцебск» (40 853), «Радыус FM» (33 327), «Радыё Брэст» (31 729), «Гомель FM» (25 337), «Радыё Гродна» (17 188). А вось у TіkTok найбольшую актыўнасць дэманструюць Першы нацыянальны канал Беларускага радыё, «Радыус FM», «Радыё Брэст», «Радыё Магілёў» і радыёстанцыя «Сталіца».
Не менш папулярнай сацыяльнай сеткай з'яўляецца Іnstagram, дзе акаўнты маюць усе радыёстанцыі Белтэлерадыёкампаніі. Самымі актыўнымі з'яўляюцца «Радыус FM», «Радыё Віцебск», «Радыё Магілёў», «Радыё Брэст» і Міжнароднае радыё «Беларусь». А вось у месенджары Vіber па колькасці падпісчыкаў лідзіруюць «Радыё Віцебск» і «Радыус FM». Для параўнання, у Telegram найбольш актыўная аўдыторыя Першага нацыянальнага канала Беларускага радыё, «Радыё Гродна», канал «Культура», «Радыус FM», радыё «Сталіца» і «Радыё Віцебск». На прасторах Facebook больш за ўсё прыхільнікаў маюць Міжнароднае радыё «Беларусь», Першы нацыянальны канал Беларускага радыё, канал «Культура», «Радыус FM» і радыёстанцыя «Сталіца». У сваю чаргу, сацыяльная сетка «Аднакласнікі» запатрабаваная ў слухачоў Першага нацыянальнага канала Беларускага радыё, радыёстанцый «Радыус FM», «Горад FM» (Брэст). Twіtter для прасоўвання кантэнту ўдала выкарыстоўваецца Першым нацыянальным каналам Беларускага радыё, «Радыус FM», Міжнародным радыё «Беларусь» і «Радыё Гродна».
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.