Да плюс 33 градусаў, кароткачасовыя дажджы і навальніцы чакаюцца ў Беларусі з 18 да 23 жніўня, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
«У гэтыя выхадныя трапічнае паветра працягне панаваць на прасторах нашай краіны, а значыць, будзе захоўвацца спякотнае надвор'е. У такія дні людзей вабяць вадаёмы, тым больш што на сёння тэмпература вады ў рэках і вадаёмах Беларусі складае ад плюс 21 да плюс 25 градусаў. Таму, адпраўляючыся на адпачынак, будзьце вельмі ўважлівыя і асцярожныя», — папярэдзілі ў Белгідрамеце.
У суботу, 19 жніўня, месцамі па Беларусі прагназуюцца кароткачасовыя дажджы, прагрымяць навальніцы. Тэмпература паветра ўначы будзе ў межах ад плюс 15 да плюс 22 градусаў, а днём — ад плюс 25 градусаў па поўначы да плюс 33 градусаў па поўдні.
У нядзелю, 20 жніўня, месцамі па краіне прагназуюцца кароткачасовыя дажджы, навальніцы. Уначы тэмпература паветра дасягне плюс 15—21 градус, а днём — плюс 27—34 градусаў.
Згодна з папярэднім прагнозам сіноптыкаў, у панядзелак, 21 жніўня, тэрыторыю Беларусі будзе перасякаць франтальны раздзел, за якім у нашу краіну пачне паступаць умерана цёплае паветра з Заходняй Еўропы. Тэмпературны фон пачне паніжацца і наблізіцца да адпаведных для дадзенага перыяду значэнняў. Пры гэтым атмасферны ціск застанецца павышаным, а гэта значыць, што вялікай колькасці ападкаў да сярэдзіны наступнага тыдня па краіне не чакаецца.
Так, месцамі ў гэты дзень прагназуюцца кароткачасовыя дажджы, навальніцы. Уначы слупок тэрмометра паднімецца да плюс 13—20 градусаў, а днём — да плюс 23—29 градусаў. У паўднёвых і паўднёваўсходніх раёнах чакаецца плюс 30—33 градусы.
У аўторак—сераду, 22—23 жніўня, месцамі, пераважна па паўночнай палове краіны, пройдуць кароткачасовыя дажджы, магчымы навальніцы. Тэмпература паветра ўначы складзе плюс 10—17 градусаў, а днём — плюс 20—27 градусаў. Па паўднёвым захадзе тэмпература павысіцца да плюс 29 градусаў.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.