Спякотнае надвор'е ўсталюецца ў Беларусі, але прагназуюцца ападкі. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
«Ужо 15 жніўня, паветраныя патокі ў атмасферы прымуць паўднёва-заходні напрамак, і на тэрыторыю краіны накіруюцца вельмі цёплыя паветраныя масы трапічнага паходжання. У Беларусі ўсталюецца спякотнае надвор'е з тэмпературным фонам у асноўным на 3—9 градусаў вышэй за норму. Не будуць прыносіць асаблівае палягчэнне і ночы, бо слупкі тэрмометраў у асноўным будуць знаходзіцца ў межах ад 12 да 24 градусаў», — распавялі сіноптыкі.
Згодна з папярэднім прагнозам, дыхаць стане лягчэй толькі напрыканцы тыдня, калі дзённая тэмпература паветра панізіцца да камфортных значэнняў, толькі ў паўднёва-заходніх раёнах слупкі тэрмометраў яшчэ будуць перавышаць 30-градусныя адзнакі. «Разам з тым паветраная маса, якая паступае ў Беларусь, няўстойлівая, насычана вільгаццю, а гэта значыць, што на працягу тыдня не выключаны лакальныя навальнічныя дажджы», — адзначылі ў Белгідрамеце.
У сераду, 16 жніўня, пераважна без ападкаў, толькі ў асобных раёнах Віцебскай вобласці пройдуць невялікія дажджы, магчымы навальніцы. Тэмпература паветра ўначы складзе ад 12 градусаў па ўсходзе да 21 па захадзе. Днём будзе 27—34 градусы.
У чацвер, 17 жніўня, у асобных раёнах пройдуць кароткачасовыя дажджы, магчымы навальніцы. Тэмпература паветра ўначы складзе ад 14 па ўсходзе да 22 па захадзе. Днём будзе 27—34 градусы.
У пятніцу, 18 жніўня, месцамі па краіне чакаюцца дажджы, навальніцы. Тэмпература паветра ўначы складзе плюс 14—21. Днём будзе 26—33 градусы спякоты, у паўночных раёнах плюс 24—25.
У суботу, 19 жніўня, месцамі па краіне прагназуюцца кароткачасовыя дажджы, навальніцы. Тэмпература паветра ўначы складзе 13—20 градусаў. Днём будзе ад 24 па паўночным усходзе да 33 па паўднёвым захадзе.
У нядзелю, 20 жніўня, месцамі па краіне чакаюцца дажджы, навальніцы. Тэмпература паветра ўначы складзе ад 10 у паўночна-ўсходніх раёнах да 20 градусаў у паўднёва-заходніх. Днём будзе 22—29, пераважна па паўднёва-заходняй палове краіны 30—33 градусы.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.