Белтэлерадыёкампанія працягвае збор заявак на ўдзел у новым сезоне самага папулярнага музычнага праекта краіны — «Фактар.by». Але зрабіць гэта можна толькі да канца ліпеня. А з 3 па 7 жніўня ў Мінску па адрасе пр-т Пераможцаў, 49 ужо пройдуць першыя сустрэчы з патэнцыйнымі героямі шоу. Амбіцыйныя выканаўцы зноў атрымаюць шанц выйсці на сцэну, каб заявіць пра сябе і скарыць сэрцы знакамітых настаўнікаў.
Як вядома, праект «Фактар.by» — не толькі пра музыку, але і пра таленавітых людзей з іх незвычайнымі жыццёвымі гісторыямі. Выступаючы перад зорнымі настаўнікамі, хтосьці зноў здабывае веру ва ўласныя сілы, іншыя атрымліваюць запаветную хвіліну славы, а самыя таленавітыя і харызматычныя ў перспектыве працягваюць барацьбу за галоўны прыз — права падпісаць прафесійны кантракт. Фіналісты папярэдніх сезонаў пад эгідай прадзюсарскага цэнтра і пры падтрымцы Белтэлерадыёкампаніі сёння паспяхова скараюць хіт-парады беларускіх і замежных радыёстанцый з аўтарскім матэрыялам і збіраюць канцэртныя залы.
Трэці сезон шоу таксама дасць магчымасць усім жадаючым паспрабаваць паўтарыць поспех Анастасіі Краўчанкі, Мікіты Бялько, Івана Дзятлава і шэрагу іншых выканаўцаў, чые імёны цяпер ведае ўся краіна. Хто зможа даказаць настаўнікам і гледачам, што валодае тым самым фактарам, і стане новай зоркай на небасхіле беларускага шоу-бізнесу — пакуль пытанне, аднак першы крок да сваёй мары варта зрабіць ужо цяпер.
Стаць удзельнікам трэцяга сезона можа кожны. Прыём анлайн-заявак — анкет і фрагментаў вакальных выступленняў — адкрыты на сайце Белтэлерадыёкампаніі www.tvr.by. А больш падрабязную інфармацыю шукайце на партале медыяхолдынга, адсочвайце ў эфіры тэлеканала «Беларусь 1» ці ў Telegram-канале ATN_NEWS.
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
