Франтальныя раздзелы прынеслі да нас дажджы рознай інтэнсіўнасці і працягласці. Паводле апошніх звестак, за першую палову гэтага тыдня ў большасці раёнаў краіны выпала ад 13 да 68 міліметраў ападкаў.
Няўстойлівы характар надвор'я ў нашай краіне захаваецца да канца ліпеня і ў пачатку жніўня. Гэта значыць, час ад часу будуць дажджы рознай інтэнсіўнасці, пры развіцці воблачнасці месцамі дажджы з навальніцамі. А раніцай у асобных раёнах чакаюцца туманы, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу пераважна па ўсходняй частцы Беларусі пройдуць дажджы, месцамі навальніцы і моцныя дажджы. Удзень месцамі прагназуюцца кароткачасовыя ападкі, магчымыя навальніцы. У начныя і ранішнія гадзіны ў асобных раёнах згусціцца туман. Максімальная тэмпература паветра ўдзень будзе вагацца ад 19 да 25 цяпла.
Дастаткова свежа будзе і ў суботу. У гэтыя суткі ноччу на большай частцы тэрыторыі краіны, а днём месцамі чакаюцца кароткачасовыя дажджы. У асобных раёнах прагрымяць навальніцы, уначы і раніцай будзе слабы туман. Тэмпература паветра ў начныя гадзіны складзе 9—16 градусаў, днём — 20—27 цяпла.
Трохі цяплей будзе ў нядзелю і ў панядзелак, але толькі ледзь-ледзь. У перадапошні дзень ліпеня, ноччу пераважна па захадзе, днём на большай частцы тэрыторыі краіны пройдуць кароткачасовыя дажджы. У асобных раёнах прагрымяць навальніцы, ноччу і раніцай слабы туман. Тэмпература паветра ўночы будзе ў межах ад 9 градусаў па ўсходзе да 17 градусаў па захадзе, днём — ад 20 градусаў па поўначы да 28 па паўднёвым усходзе.
У панядзелак ноччу ў асобных раёнах, а днём на большай частцы тэрыторыі краіны прагназуюцца кароткачасовыя дажджы. У асобных раёнах прагрымяць навальніцы. Ноччу і раніцай месцамі згусціцца туман. У начныя гадзіны тэмпература складзе 11—18, а днём — 21—28 градусаў. Месцамі чакаецца плюс 18—20 цяпла.
Першы дзень жніўня месцамі чакаюцца кароткачасовыя дажджы, магчымыя навальніцы. Ноччу і раніцай месцамі слабы туман. Тэмпература паветра ўначы дасягне 10—17 градусаў, месцамі — 7—9 градусаў. Днём сіноптыкі абяцаюць 19—26 градусаў, а па поўдні — да 28 цяпла.
У сераду пераважна па заходняй частцы краіны пройдуць кароткачасовыя дажджы, месцамі навальніцы. Уночы тэмпература паветра складзе 11—18 градусаў, удзень — 20—27 цяпла.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
