Міжнародны турнір памяці заслужанага трэнера СССР С. Л. Халіпскага сярод жаночых юніёрскіх каманд Беларусі і Расіі пройдзе з 21 па 23 ліпеня ў Палацы спорту.
21 ліпеня адбылося ўрачыстае адкрыццё турніру.
Удзельнікі спаборніцтваў — нацыянальныя зборныя Беларусі і Расіі, у якія ўключаны спартсменкі да 16 і 18 гадоў.
На цырымоніі адкрыцця перад спартсменамі выступілі: намеснік старшыні грамадскага аб’яднання «Беларуская федэрацыя баскетбола», галоўны трэнер нацыянальных зборных каманд Анатоль Якубенка, чэмпіёнкі Алімпійскіх гульняў Ірына Сумнікава і Таццяна Белашапка, удава заслужанага трэнера СССР — Сталіна Халіпская.
Нягледзячы на ўпартую гульню беларускіх каманд, у першы гульнявы дзень перамогу ў двух матчах заваявалі расійскія баскетбалісткі. Але наперадзе яшчэ два гульнявыя дні і спадзяваемся на перамогі нашых каманд.
Даведачна:
Сямён Львовіч Халіпскі нарадзіўся 10.04.1938 г.у Шклове. Заслужаны трэнер СССР. Баскетболам пачаў займацца ў Магілёўскай ДЮСШ. З 1971 па 1992 год узначальваў мінскі «Гарызонт» (з 1980 г. — у вышэйшай лізе). У сезоне-2002/03 узначальваў мінскую каманду БДУ. Двухразовы чэмпіён Польшчы і Расіі, сярэбраны прызёр чэмпіянату СССР, бронзавы медаліст спартакіяды народаў СССР, Фіналіст і бронзавы прызёр Еўралігі, фіналіст Кубка Ранкецці. Узначальваў моладзевую зборную СССР, якую двойчы прыводзіў да залатых медалёў першынства кантынента. У 1995 годзе ўзначальваў нацыянальную зборную Беларусі, якая на кваліфікацыйным турніры чэмпіянату Еўропы ў Ізраілі заняла чацвёртае месца. У якасці трэнера кадэцкай зборнай Беларусі ў 2003 годзе стаў сярэбраным медалістам першынства Еўропы. Памёр 01.07.2011 г.
Віктар ІВАНЧЫКАЎ
Фота: Віктар ІВАНЧЫКАЎ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
