У Старадарожскім раённым цэнтры культуры і адпачынку прайшла сустрэча старшыні Саюза пісьменнікаў Беларусі, дырэктара — галоўнага рэдактара Выдавецкага дома «Звязда» Алеся Карлюкевіча з бібліятэкарамі і культурна-асветніцкімі работнікамі Старадарожскага раёна.
Кіраўнік грамадскага аб’яднання расказаў пра дзейнасць творчага саюза, пра сённяшні стан беларускай літаратуры. Звярнуў увагу на развіццё кнігавыдавецкай дзейнасці ў краіне. Бібліятэкары атрымалі інфармацыю па самых розных пытаннях, звязаных з відамі і жанрамі сучаснай мастацкай літаратуры. Гучалі імёны аўтараў Выдавецкага дома «Звязда» — народнага пісьменніка Беларусі Мікалая Чаргінца, паэта, празаіка, перакладчыка, літаратурнага крытыка Алеся Бадака, празаіка і публіцысткі, журналіста Ваеннага тэлебачання Ганны Чыж—Літаш, празаіка, дзіцячага пісьменніка Кацярыны Хадасевіч-Лісавой, драматурга, пісьменніка-фантаста, паэта Генадзя Аўласенкі, іншых сучасных літаратараў.
Алесь Карлюкевіч падрабязна расказаў пра фестывальны рух у справе прапаганды дзіцячага чытання, дзіцячага кнігавыдання. Асобна спыніўся на фестывалях «Міхасёвы прыгоды», што ўжо стаў традыцыяй і праводзіцца ў Мінску на пляцоўцы Дзяржаўнага літаратурна-мемарыяльнага музея Якуба Коласа, і «У гасцях у Францыска Скарыны», месцам правядзення якога з’яўляецца прастора каля Нацыянальнай бібліятэкі Беларусі і Парка пісьменнікаў у Першамайскім раёне беларускай сталіцы. Удзельнікі сустрэчы абмяняліся меркаваннямі па арганізацыі падобнага кніжнага фестывалю на Старадарожскай зямлі.
Раман СЭРВАЧ
Прэв’ю: pixabay.com
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
