Надвор'е ў нашай краіне будзе і надалей мець няўстойлівы характар, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу чакаецца пераменная воблачнасць. Пераважна па ўсходняй палове краіны пройдуць кароткачасовыя дажджы, месцамі прагрымяць навальніцы, у начныя гадзіны ў асобных раёнах дажджы будуць моцныя. Ноччу і раніцай месцамі будзе згушчацца слабы туман. Вецер паўночна-заходні ўмераны, пры навальніцах парывісты. Тэмпература паветра ноччу будзе знаходзіцца ў межах ад 11 градусаў па захадзе да 19 цяпла па ўсходзе краіны. Дзённы расклад — ад 22 градусаў да 27 градусаў. Атмасферны ціск будзе расці.
І ў суботу ўмовы надвор'я ў краіне будзе вызначаць вобласць павышанага атмасфернага ціску. Прагназуецца пераменная воблачнасць. Пераважна без ападкаў. Уначы і раніцай у асобных раёнах чакаецца слабы туман. Вецер паўночна-заходні ўмераны, удзень месцамі парывісты. Тэмпература паветра мінімальная ноччу будзе вагацца ад 8 градусаў па паўночным захадзе да 16 цяпла па паўднёвым усходзе краіны. Максімальная тэмпература днём складзе 21—27 градусаў.
Крыху зменіцца надвор'е з 9 ліпеня. Адаб'ецца ўплыў няўстойлівай паветранай масы, якая распаўсюджваецца са Скандынавіі. Чакаецца пераменная воблачнасць. Уначы пераважна без ападкаў, раніцай і днём месцамі пройдуць кароткачасовыя дажджы, магчымыя навальніцы. Вецер паўночна-заходні ўмераны, удзень месцамі парывісты. Тэмпература паветра ноччу складзе ад 8 да 14 цяпла, днём будзе знаходзіцца ў межах 20—27 градусаў.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.