Вялікі ў Нясвіжы: дзесяць прадстаўленняў за тры дні

«Вечары Вялікага тэатра ў замку Радзівілаў» настолькі арганічны праект, што сёлета яны адбудуцца ў 13-ты раз. Тэатру добра: прастора ўнутранага двара палаца здольная ўмясціць больш за 1000 гледачоў. Фарны касцёл Божага Цела — месца, дзе звычайна гучыць асаблівая музыка, і яе таксама прывозяць госці са сталіцы. А яшчэ ёсць Тэатральная зала ў самім гістарычным будынку, якая выдатна падыходзіць для камерных канцэртаў. Менавіта там у пятніцу на наступным тыдні Вялікі тэатр Беларусі пачне свае чэрвеньскія імпрэзы — арыгінальныя, адмыслова складзеныя. Ды новыя спектаклі, што пасуюць атмасферы гэтага горада. Хто задумваецца, як правесці наступны ўік-энд, няхай вывучае шлях у Нясвіж. 

Пятніца

Ужо днём у Тэатральная зале пройдзе першы канцэрт пад назвай «Флейты на канікулах» (а 16-й гадзіне). Чатыры музыканты — квартэт — і іх сябры будуць іграць, як адпачываць. Ці адпачываць, іграючы музыку, якая дорыць адчуванне лёгкасці жыцця.

Невялікая паўза пойдзе на тое, каб падрыхтавацца да галоўнага прадстаўлення гэтага дня: балета Людвіга Мінкуса «Дон Кіхот» у пастаноўцы Валянціна Елізар’ева. Прэм’ера гэтага сезона, дарэчы. І ўсё ж «жывое», нават аркестр на месцы — дырыжыраваць будзе Мікалай Калядка. А палове на дзевятую ля сцен палаца будзе віраваць яркасць і жыццярадаснасць — крыху іспанскага каларыту ў гістарычным абрамленні.

У суботу музычнае жыццё ў палацы пачнецца апоўдні. У тэатральная залі загучаць вакальныя творы Сяргея Рахманінава на вершы рускіх паэтаў. А таксама прагучыць каваціна «Алека» з аднайменнай оперы і фартэпіянныя творы. Назва праграмы вельмі красамоўная — «Тут добра...» Наўрад ці хтосьці паспрачаецца. 

Пасля апантаныя музыкай слухачы могуць паспець на бясплатны канцэрт «Перліны духоўнай музыкі ХVI-ХХ стагоддзяў», што пачнецца а 14-й гадзіне ў Фарным касцёле Нясвіжа. Але ж тут выступяць артысты оперы і аркестра Вялікага тэатра.

Расслабіцца не атрымаецца, бо ўжо ў 16.00 у Тэатральнай зале спявачка Таццяна Траццяк з калегамі і струнным квінтэтам «Серанада» чакаюць на канцэрт «Край прыгожых людзей» з твораў беларускіх кампазітараў — ад XIX стагоддзя да сучаснасці.

А ўвечары інтрыгоўны «Севільскі цырульнік». Прэм’ера оперы Джаакіна Расіні ў пастаноўцы італьянскага рэжысёра Альда Тарабэлы адбылася пару тыдняў таму. Над музычнай часткай працаваў дырыжор Уладзімір Авадок. Цікава, хто будзе спяваць Фігара, Альмавіва і Разіну? А наогул цікава паглядзець, як гэта будзе выглядаць, бо гэтую оперу можа іграць выдатна на фоне радзівілаўскага палаца.

Нядзеля павінна стаць не менш насычанай

У Тэатральнай зале задуманы шэраг імпрэз. А 12-й адбудзецца казка для дзяцей і дарослых «Пеця і воўк» Сяргея Пракоф’ева. Салісты тэатра і духавы квінтэт ды фартэпіяна ўвасобяць яе ў Нясвіжы. У 14.00 настрой набывае рамантычныя ноткі праз натхняючы канцэрт «Viva l’Italia, viva l’аmore!..» Трыо «Глорыя», салісты, плюс фартэпіяна — і любоў да музыкі павінна напаткаць прысутных.

Далей — калектыў «A.M.A.D.I.S. Brass» зачаруе папулярнымі мелодыямі і песнямі, падрыхтаванымі разам з салістамі. Усё для таго, каб душа спявала. Таму што вечарам можна і сапраўды захацець спяваць. Гала канцэрт з удзелам зорак оперы і балета Беларусі пачнецца а 19-й гадзіне на вялікай сцэне ў двары палаца. Оперныя хіты, прыгожыя ўрыўкі з балетаў — усё гэта трэба аб’яднаць рэжысёру-пастаноўшчыку тэатра Ганне Маторнай, а харэограф-пастаноўшчык Ігар Колб. Але трэба ўдакладніць: гала-канцэрт Вялікага заўсёды дае пачуццё прыгажосці і адчуванне свята, якім і ёсць сапраўднае мастацтва.

Ларыса ЦІМОШЫК