Сёлета 9 і 10 чэрвеня пройдзе ХХІІ Нацыянальны фестываль беларускай песні і паэзіі «Маладзечна-2023». Дзякуючы трансляцыям асноўных канцэртных праграм і аператыўным выпускам навін гледачы тэлеканалаў «Беларусь 1» і «Беларусь 3» змогуць пранікнуцца атмасферай форуму і нават пабываць на яго галоўнай канцэртнай пляцоўцы.
З 9 да 11 чэрвеня «Навіны культуры» на сацыякультурным канале будуць выходзіць у фармаце дзённікаў Нацыянальнага фестывалю беларускай песні і паэзіі «Маладзечна-2023». Карэспандэнты пабываюць на мерапрыемствах музычна-паэтычнага форуму, пагавораць з удзельнікамі і арганізатарамі, пакажуць сюрпрызы, падрыхтаваныя для жыхароў і гасцей горада. А вынікі свята даведаемся ў нядзелю ў праграме «Культурны тыдзень».
Цэнтральнай падзеяй першага дня стане ўрачыстае адкрыццё ХХІІ Нацыянальнага фестывалю беларускай песні і паэзіі «Маладзечна-2023» «Усе зоркі зышліся» на сцэне Летняга амфітэатра. У канцэртнай праграме возьмуць удзел артысты тэлевізійных праектаў «Х-Фактар» і «Фактар.by». Яны выступяць у суправаджэнні Заслужанага калектыву Рэспублікі Беларусь «Нацыянальны акадэмічны канцэртны аркестр Беларусі імя М. Я. Фінберга». Мастацкі кіраўнік, галоўны дырыжор — Максім Расоха. Тэлеверсію канцэрта-адкрыцця фестывалю пакажа канал «Беларусь 1» 9 чэрвеня ў 21.45. На наступны дзень 10 чэрвеня ў 11.30 і 15.30 на «Беларусь 3» глядзіце прамыя трансляцыі ІІ і ІІІ тураў рэспубліканскага этапу Нацыянальнага конкурсу маладых выканаўцаў беларускай эстраднай песні «Маладзечна-2023» са сцэны Палаца культуры.
Завершыцца фестываль гала-канцэртам «Любімыя песні. Спяваем разам» на сцэне Летняга амфітэатра. У праграме возьмуць удзел Анатоль Ярмоленка, Уладзімір Громаў, Ірына Дарафеева, Вікторыя Алешка, Жанэт, Нацыянальны акадэмічны народных хор Рэспублікі Беларусь імя Г. І. Цітовіча і іншыя. У рамках канцэрта пройдзе ўрачыстая цырымонія ўзнагароджання лаўрэатаў Нацыянальнага конкурсу маладых выканаўцаў беларускай эстраднай песні «Маладзечна-2023». Атрымаць асалоду ад вялікага святочнага канцэрта гледачы тэлеканала «Беларусь 1» змогуць 10 чэрвеня ў 21.50.
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
