У Маскве адбылася сустрэча міністра замежных спраў Беларусі Сяргея Алейніка і старшыні Дзярждумы Расіі Вячаслава Валодзіна. Пра гэта інфармуе прэс-служба ніжняй палаты расійскага парламента, паведамляе БелТА.
«Абмяркоўваліся пытанні развіцця міжпарламенцкага ўзаемадзеяння, у тым ліку ў рамках Парламенцкага сходу Саюза Беларусі і Расіі, Парламенцкай асамблеі АДКБ і іншых арганізацый, далейшая работа па гарманізацыі і збліжэнні заканадаўства дзвюх краін», — адзначылі ў прэс-службе.
Вячаслаў Валодзін падкрэсліў, што прыярытэт у рабоце дэпутатаў — заканадаўчае забеспячэнне рашэнняў, прынятых на ўзроўні прэзідэнтаў Аляксандра Лукашэнкі і Уладзіміра Пуціна і накіраваных на выкананне 28 інтэграцыйных праграм Саюзнай дзяржавы.
Таксама Сяргей Алейнік і Вячаслаў Валодзін абмеркавалі пасяджэнне Савета па АДКБ у Мінску, якое адбудзецца 18 мая.
Сяргей Алейнік з 15 па 17 мая знаходзіцца ў Расіі з афіцыйным візітам. У праграме таксама — сустрэча са спікерам Савета Федэрацыі Валянцінай Мацвіенка і перамовы з кіраўніком МЗС Расіі Сяргеем Лаўровым.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
