Мінскія абласныя «Дажынкі» пройдуць у Салігорску гэтай восенню. З ходам падрыхтоўчых работ да свята азнаёміўся старшыня Мінаблвыканкама Аляксандр Турчын.
У планах — рэканструкцыя, рамонт шмат якіх аб’ектаў. У прыватнасці, сацыяльных, спартыўных, культурных, медыцынскіх.
У корпусе бальніцы, дзе раней месціліся інсультнае, гінекалагічнае і ЛОР-аддзяленне, ідзе рамонт, рыхтуюць для тынкоўкі і афарбоўкі сцены. Асобныя памяшканні будуць перапланаваны. Будаўнічыя, мантажныя, сантэхнічныя і электратэхнічныя работы вядуць чатыры будаўнічыя ўпраўленні.
Папрыгажэюць таксама спартыўна-відовішчны комплекс, спартыўная дзіцячая школа. На аўтавакзале будзе добраўпарадкавана навакольная тэрыторыя, абновіцца фасад будынка.
Аляксандр Турчын адзначыў, што будзе звернута ўвага і на гарадскі пасёлак Старобін, які знаходзіцца непадалёк. Там ёсць праблемы, якія неабходна вырашаць.
Старшыня Мінаблвыканкама звярнуў увагу таксама на неабходнасць правядення рамонту дарог, што вядуць да горада. Таксама трэба правільна арганізаваць рух.
Таццяна ЛАЗОЎСКАЯ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
