Пасяджэнне Савета Еўразійскай эканамічнай камісіі з удзелам віцэ-прэм’ераў краін Еўразійскага эканамічнага саюза адбудзецца 30 сакавіка па відэа-канферэнц-сувязі, паведамілі БелТА ў прэс-службе Еўразійскай эканамічнай камісіі.
Усяго ў парадак дня пасяджэння ўнесена каля 15 пытанняў. У прыватнасці, плануецца разгледзець праекты двух пагадненняў: аб узаемным прызнанні банкаўскіх гарантый пры ажыццяўленні дзяржаўных (муніцыпальных) закупак і аб гарманізаванай сістэме вызначэння паходжання тавараў, якія вывозяцца з мытнай тэрыторыі ЕАЭС. На пасяджэнне таксама вынесены праект пратакола аб унясенні змяненняў у Дагавор аб ЕАЭС у частцы аказання фінансавага садзейнічання пры рэалізацыі дзяржавамі саюза сумесных кааперацыйных праектаў у галінах прамысловасці.
Віцэ-прэм’еры маюць намер унесці змяненні ў правілы рэгістрацыі і экспертызы бяспекі, якасці і эфектыўнасці медыцынскіх вырабаў, у палажэнне аб Еўразійскім эканамічным форуме, парадак распрацоўкі, прыняцця, змянення і адмены тэхрэгламентаў ЕАЭС.
Савет ЕЭК плануе таксама ўнесці змяненні ў пералік катэгорый тавараў, адносна якіх можа быць устаноўлена спецыяльная мытная працэдура, і ўмоў іх змяшчэння пад такую мытную працэдуру ў мэтах арганізацыі і правядзення ў Беларусі ў 2023 годзе ІІ Гульняў краін СНД.
Акрамя таго, удзельнікі пасяджэння маюць намер прыняць рашэнне аб вызначэнні арганізацыі, якая ажыццяўляе цэнтралізаваны гандаль электраэнергіяй на суткі наперад на агульным электраэнергетычным рынку ЕАЭС, і разгледзець шэраг іншых пытанняў.
Беларусь у Савеце ЕЭК прадстаўляе віцэ-прэм’ер Ігар Петрышэнка.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.