22 сакавіка ў Мінску ў выставачным комплексе па праспекце Пераможцаў, 14 пачне сваю працу XXX Мінская міжнародная кніжная выстаўка-кірмаш. Краіна, якая з’яўляецца Ганаровым госцем кніжнага свята — Расійская Федэрацыя.
У праграме расійскіх кнігавыдаўцоў, кнігараспаўсюджвальнікаў вялікае месца зойме знаёмства з пісьменнікамі Масквы, Санкт-Пецярбурга. У Мінск абяцаюць прыехаць празаікі, паэты, публіцысты Сяргей ШАРГУНОЎ, Андрэй АСТВАЦАТУРАЎ, Аляксей ВАРЛАМАЎ, Таццяна ВАСКОЎСКАЯ, Дзмітрый ДАНІЛАЎ, Уладзіслаў АТРОШАНКА, Леанід ЮЗЭФОВІЧ, Яраслава ПУЛІНОВІЧ, Раман СЕНЧЫН і іншыя. З юнымі наведвальнкіамі выстаўкі будуць рады стасавацца дзіцячыя пісьменнікі Расіі — Анастасія СТРОКІНА, Андрэй УСАЧОЎ, Алена БУЛАЙ, а таксама кніжны ілюстратар Даша ДЗІМІТРАВА, якая малюе для кніг выдавецтва «Самокат».
У складзе расійскай дэлегацыі — старшыня Саюза пісьменнікаў Расіі празаік і публіцыст Мікалай ІВАНОЎ, галоўны рэдактар «Литературной газеты» паэт і празаік Максім ЗАМШАЎ, празаік і публіцыст ураджэнец берасцейскіх Ганцавіч Алесь КАЖАДУБ, які часта выдае свае кнігі і ў Беларусі.
Сяргей ШЫЧКО
Прэв’ю: pexels.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
