«Хто такі патрыёт? Ён дарослы, як тата, ці маленькі, як я? Патрыёт — гэта такая прафесія?» Нашы маленькія дзеці-чамучкі часта задаюць пытанні, на якія дарослым бывае вельмі няпроста адказаць. Тут на дапамогу бацькам прыходзяць педагогі дашкольных навучальных устаноў, якія маюць правільныя словы і цікавыя методыкі для гарманічнага, у тым ліку патрыятычнага выхавання нашай падрастаючай будучыні. Доказам таму — клуб «Я — маленькі патрыёт», які пачаў сваю дзейнасць сёлета для 22 выхаванцаў Крытышынскага дзіцячага садка і будзе функцыянаваць на працягу навучальнага года. Мэта клуба: сфарміраваць у дзяцей дашкольнага ўзросту першапачатковыя ўяўленні аб родным краі і паважлівыя адносіны да яго, выхаваць маральныя і патрыятычныя пачуцці.
Старт клуба пачаўся ў кастрычніку з мерапрыемства «Маленькі патрыёт вялікай Радзімы», на якім кіраўнік патрыятычнага выхавання ДУА «Крытышынская сярэдняя школа» «пасвяціў маленькіх крытышынцаў» у члены клуба і ўручыў ім знак адрознення — значок клуба. Цяпер яны не проста выхаванцы дзіцячага садка, а «маленькія патрыёты» сваёй Радзімы. Колькі гонару і радасці было ў маленькіх вачах, калі яны на адным дыханні прамаўлялі дэвіз клуба: «Патриоты всей душой чтят и любят край родной». Патрыятычнае выхаванне ў дзіцячым садку — гэта выхаванне гістарычнай памяці. Гісторыя — праява душы народа, яна наш залаты запас. Гледзячы на нашых выхаванцаў, можна з упэўненасцю сказаць, што наша гістарычная памяць будзе жыць!
Алеся МЕДЗВЯДЗЮК,
выхавальнік дашкольнай адукацыі ДУА «Крытышынскі дзіцячы садок»
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
