Фотаздымкі гэтага рэпартажа зроблены у розных населеных пунктах Гомельшчыны, дзе рабіла прыпынак экспедыцыя «Дарога да Святыняў». Праводзіліся сустрэчы, сумесныя набажэнствы, у аб’ектыў фотаапарата траплялі яскравыя моманты, твары новых знаёмых.
Застаўся на фотаздымку маляўнічы зялёны двор каля новапабудаванай царквы ў пасёлку Церахоўка, дзе на траве нечакана узвышаецца ззяючы купал. Гэты купал захавалі ад старой царквы, на месцы якой узвялі новы храм.
Ёсць сярод фота і сведка таго, як агульнымі намаганнямі узводзіліся гэта царква — на цаглінах напісаны імёны людзей зрабіўшых свой унёсак у яе будаўніцтва.
Адзін са здымкаў зроблены ў горадзе Ветка, на ім настаяцель мясцовага храма протаіерэй Міхаіл Барысёнак.
Ёсць тут таксама фота, якія яшчэ раз нагадваюць пра слынных землякоў пакінуўшых яскравы след у гісторыі краіны. Вобраз народнага пісьменніка Беларусі Івана Шамякіна увасоблены ў бюсце на яго радзіме у Карме.
Іншыя фота дарослых і дзятвы, цікавых момантаў, маляўнічых пейзажаў нібы ствараюць адзін агульны здымак падарожжа міжнароднай навукова-асветніцкай экспедыцыі «Дарога да Святыняў»
ЯЎГЕН ПЯСЕЦКІ
фота аўтара
Карэспандэнты «Звязды» пабачылі, як праходзяцб рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.