Народныя рамёствы, інстаграмнае шчасце і жывы заапарк. Вуліцы фестывальнага Віцебска. Фотарэпартаж

Сэрца Віцебска забілася ў рытме фестывалю. На вуліцах горада не змаўкаюць песні, вочы разбягаюцца ад вырабаў народных майстроў, а ўсе шчыра ўсміхаюцца — пачаўся «Славянскі базар». Свята, якое традыцыйна аб’яднала ўсю краіну. Недалёка ад летняга амфітэатра прадстаўлены ўсе рэгіёны. Кожная вобласць на сваіх пляцоўках выставіла свае дасягененні: культурныя, вытворчыя, гастранамічныя. Вершы Янкі Купалы ўдала спалучаюцца з Глыбоцкай згушчонкай, а стэнд Брэсцкай крэпасці — з вырабамі магілёўскага каваля. Такое магчыма толькі на «Славянскім базары». 

«Мы вельмі любім „Славянскі базар“ за яго атмасферу адзінства і свята. Кожны год стараемся ў гэтыя ліпеньскія дні застацца ў Віцебску, каб наведаць свята. Здаецца, фестываль адзін і той жа, але кожны раз здзіўляе нечым новым. Раней я прыходзіла сюды з дачкой, а сёння са „славянкай“ пазнаёміла і ўнучачку», — дзеліцца жыхарка горада Вольга Несцерава. 

У гэтыя дні Віцебск стаў адзінай фотазонай. Па цэнтральных вуліцах шпацыруюць раставыя лялькі вавёрак, ліс, баброў у міліцэйскай форме. З дзецьмі абдымаецца міліцыянер савецкіх часоў, а яго сімпатычная памочніца дазваляе пасядзець у рарытэтным міліцэйскім аўтамабілі. У сучасным городзе кожны жадаючы можа зрабіць сэлфі з дамай у сукенцы XVIII стагоддзя. Для інстаграмнай душы сапраўднае раздолле. 

Таксама горад ператварыўся і ў невялікі музей. Дапамог у гэтым традыцыйны кірмаш-пляцоўка «Горад Майстроў». Шматлікія пляцоўкі прапановаюць сваім гасцям майстар-класы па народных рамёствах: ткацтва, саломапляценне, вышыўка. Як вядома, у кожным рэгіёне свае традыцыі і адметнасці. Кожны можа параўнаць іх вызначыць самыя цікавыя для сябе. 

Адразу на некалькіх пляцоўках разгарнуўся фэст вулічнага мастацтва «На сямі вятрах». У юбілейны, пяты разы ў час васільковага форуму праходзіць міжнародны фестываль барабаншчыц і мажарэтак. 

У рытме фестывалю Віцебск будзе гучаць да 18 ліпеня. 

Валерыя СЦЯЦКО

Фота Лізаветы ГОЛАД