Міжрэгіянальны фестываль «Зялёныя святкі» на Святую Троіцу ў дзевяты раз сабраў на Байкаўскіх крыніцах праваслаўных вернікаў і аматараў этнаграфіі Чавускага раёна. Наведвальнікаў з усёй Магілёўшчыны і не толькі прыцягваюць сюды традыцыйныя святочныя абрады, а таксама магчымасць акунуцца ў купель і набраць з сабою гаючай вады пасля асвячэння яе ў крыніцы.
На свяце традыцыйна сплялі траецкі вянок, які пусцілі па рацэ. Убіралі стужкамі бярозавыя галінкі, плялі вянкі ды венікі з дубовага і бярозавага лісця. І, вядома, выконвалі святочныя і абрадавыя песні ды танцы, а яшчэ — варажылі на замужжа.
Госці не толькі спявалі ды танчылі, але і дзівіліся вырабамі мясцовых майстроў з гліны, лазы і дрэва, даведваліся, што могуць лялькі-абярэгі, частаваліся смачныя стравамі і традыцыйнымі напоямі, гасцявалі ў лаўцы траўніцы.
Напрыканцы свята благачынны Чавускай царкоўнай акругі пратаіерэй Мікалай правёў службу і асвяціў паклонны крыж ды ваду Байкаўскіх крыніц.
Ірына СІДАРОК, фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.