З 1 мая пенсіянеры могуць ездзіць у электрычках са зніжкай у 50%

Пенсіянерам з 1 мая даецца 50% зніжка на праезд у электрычках, паведамілі ў кантакт-цэнтры БЧ.

Штогод у перыяд сезонных сельскагаспадарчых работ, з 1 мая па 31 кастрычніка, грамадзяне, якія дасягнулі агульнаўстаноўленага пенсійнага ўзросту, маюць права на зніжку 50% ад кошту праезду ў цягніках рэгіянальных ліній эканомкласа.

Для куплі квітка са зніжкай трэба прад’явіць арыгінал пенсійнага пасведчання. Таксама яго неабходна мець пры сабе падчас паездкі.

Льгота не прадастаўляецца пры праездзе ў цягніках рэгіянальных ліній бізнес-класа і міжрэгіянальных ліній (з нумараванымі месцамі), а таксама пры праездзе ў цягніках гарадскіх ліній.

Прэв’ю: pixabay.com