У Баранавічах пачалі ўзводзіць помнік на месцы гібелі лётчыкаў Лідскай штурмавой авіябазы маёра Андрэя Нічыпарчыка і лейтэнанта Мікіты Куканенкі, паведамляе БелТА са спасылкай на гарвыканкам.
На вуліцы Розы Люксембург выдзелілі пляцоўку пад будаўніцтва, работы пачаліся ўжо. На пастаменце ўстановяць скульптурную кампазіцыю ў выглядзе адлятаючых у неба двух каваных жураўлёў на фоне сілуэта самалёта Як-130. Камунальныя службы займаюцца добраўпарадкаваннем прылеглай тэрыторыі. Намечанае плануецца выканаць да канца красавіка — пачатку мая.
Акрамя таго, у Баранавічах у гонар герояў Беларусі Андрэя Нічыпарчыка і Мікіты Куканенкі плануецца назваць дзве вуліцы ў новым мікрараёне Паўночны-2.
З моманту трагедыі ў небе над Баранавічамі мінуў практычна год. Ваенны самалёт Як-130 Лідскай штурмавой авіябазы пацярпеў крушэнне 19 мая. Экіпаж загінуў. Ад моманту ўзнікнення аварыйнай сітуацыі да падзення самалёта прайшло крыху больш за мінуту. На вышыні амаль 50 м пілотам удалося стабілізаваць напрамак палёту і накіраваць Як-130 у адзіны пункт, які быў па-за жылымі пабудовамі.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
