Беларусь можа пастаўляць на рынак Індыі прадукты харчавання

Мы можам пастаўляць на рынак Індыі малако і згушчаныя вяршкі, а таксама рэпчатую цыбулю і іншыя прадукты харчавання.

І сапраўды, гэтая густанаселеная тэрыторыя з’яўляецца адной з перспектыўных краін для прасоўвання беларускага экспарту на рынкі краін далёкай дугі. Як адзначыў намеснік начальніка ўпраўлення міжнароднага супрацоўніцтва Нацыянальнага цэнтра маркетынгу МЗС Беларусі Яўген Русак, індыйская эканоміка займае шостае месца ў свеце па памеры ВУП (2,623 трыльёнаў долараў ЗША), а таксама 14-е месца сярод найбуйнейшых сусветных імпарцёраў.

Нягледзячы на той факт, што Індыя займае другое месца ў свеце па плошчы ворных зямель, на індыйскім рынку адзначаецца попыт на сельскагаспадарчыя тавары і прадукты харчавання. Сярод найбольш папулярнай прадукцыі, імпартуемай краінай, варта адзначыць раслінны алей, спірт, гарох сушаны, вада мінеральная і газіраваная, малако і вяршкі згушчаныя, лук рэпчаты, гародніна і сумесі кансерваваныя, а таксама іншыя прадукты. Разам з тым попыт адзначаецца і на такія тавары, як газетная папера, інсектыцыды, воцатная кіслата, гербіцыды, шрубы і балты з чорных металаў з разьбой, кампрэсары і іншыя.

У цэлым у 2020 годзе Індыя імпартавала больш за 4800 таварных пазіцый, пры гэтым наменклатура беларускага экспарту ў гэту краіну была прадстаўлена 188 найменнямі (для параўнання ў 2019 годзе — 158 тавараў). Тавараабарот нашай краіны і Індыі ў 2020 годзе склаў 575,6 мільёнаў долараў, што вышэй паказчыка 2016 года на 41,6 %.

Як падкрэслілі эканамічныя аналітыкі Нацыянальнага цэнтра маркетынгу МЗС нашай краіны, беларускія прадпрыемствы маюць усе шанцы не толькі замацаваць і нарасціць сваю прысутнасць на індыйскім рынку па прадукцыі, якая ўжо пастаўляецца, але і пашырыць пералік экспартных пазіцый.

Знешнегандлёвая палітыка Індыі ў цэлым вызначае свабодны характар экспартна-імпартных аперацый, пры гэтым існуе пералік асобных тавараў, аднесеных да катэгорыі забароненых да ўвозу, абмежаваных у абароце, і тавараў, гандаль якімі дазволены толькі дзяржаўным прадпрыемствам.

Для дэталёвага вывучэння рынку Індыі з мэтай вызначэння патэнцыялу выхаду і пошуку дзелавых партнёраў, неабходна разглядаць канкрэтны від прадукцыі з пункту гледжання дынамікі паставак, тэмпаў росту імпарту, тарыфнага рэгулявання, канкурэнтнага асяроддзя, а таксама кошту прадукцыі на рынку.

Сяргей КУРКАЧ

Прэв’ю: pexels.com