Удзел у пасяджэнні Міжпарламенцкага саюза прымаюць і беларускія парламентарыі: старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў і старшыня Пастаяннай камісіі Палаты прадстаўнікоў па міжнародных справах Андрэй Савіных.
Мерапрыемства распачало сваю работу ў горадзе Нуса-Дуа ў нядзелю, 20 сакавіка. Завяршыцца — 24 сакавіка.
У афіцыйнай цырымоніі адкрыцця 144-й Асамблеі МПС прынялі ўдзел прэзідэнт Рэспублікі Інданезія Джок Відода, спікер Палаты прадстаўнікоў Рэспублікі Інданезія Пуан Махарані і прэзідэнт МПС Дуартэ Пачэка.
Дарэчы, беларускі сенатар уваходзіць у склад Бюро Пастаяннага камітэта МПС па справах міру і міжнароднай бяспекі і кансультатыўную групу высокага ўзроўню МПС па супрацьдзеянні тэрарызму і гвалтоўнаму экстрэмізму.
У рамках мерапрыемстваў 144-й Асамблеі МПС Сяргей Рачкоў прыняў удзел у пасяджэнні геапалітычнай групы «Еўразія», якая каардынуе сумесныя дзеянні парламенцкіх дэлегацый дзяржаў — удзельніц СНД.
Як паведамілі ў профільнай камісіі, былі разгледжаны і падтрыманы правілы працэдуры геапалітычнай групы «Еўразія», прапановы па кандыдатурах для запаўнення вакансій у кіруючых органах, вынікі чарговага пасяджэння выканкама МПС. Удзельнікі абмеркавалі запланаваныя мерапрыемствы Асамблеі, парадак дня рабочых органаў, а таксама тэму агульных дэбатаў.
Таксама Сяргей Рачкоў на палях 144-й асамблеі Міжпарламенцкага саюза сустрэўся са старшынёй Камітэта па міжпарламенцкім супрацоўніцтве Савета народных прадстаўнікоў Рэспублікі Інданезія Фадлі Зонам.
Бакі разгледзелі актуальныя пытанні 144-й Асамблеі МПС, а таксама двухбаковага беларуска-інданезійскага, у тым ліку рэгіянальнага, супрацоўніцтва. Сенатар падкрэсліў важнасць міжпарламенцкіх кантактаў ва ўмацаванні партнёрства.
Таксама была абмеркавана інданезійская ініцыятыўная прапанова аб унясенні ў парадак дня Асамблеі надзвычайнага пункта аб ролі парламентаў у падтрымцы мірнага вырашэння расійска-ўкраінскага канфлікту.
Акрамя таго, былі падкрэслены поспехі двухбаковага ўзаемадзеяння ў гандлёва-эканамічным вымярэнні, адзначана перспектыўнасць развіцця новых праектаў у адукацыйнай і культурнай сферах.
Разам з тым, бакі дамовіліся актывізаваць міжпарламенцкія кантакты па меры стабілізацыі сітуацыі з каранавірусам.
Што датычыцца пленарных пасяджэнняў, на Асамблеі будзе разгледжана пытанне «Выхад на нулявую мяжу: мабілізацыя парламентаў на прыняцце практычных мер у сувязі з зменамі клімату».
У рамках мерапрыемства пройдуць пасяджэнні статутных органаў МПС, уключаючы кіруючы савет, пастаянныя камітэты і іншыя рабочыя структуры Асамблеі.
Як паведамілі ў прэс-службе верхняй палаты парламента, беларускі парламентарый давядзе пазіцыю Рэспублікі Беларусь па тэме агульнай дыскусіі, аб імплементацыі раней прынятых рэзалюцый і выніковых дакументаў Асамблеі, выступіць па пытаннях забеспячэння бяспекі і стабільнасці ва Усходне-Еўрапейскім рэгіёне, глабальнай забароны ядзерных выпрабаванняў, процідзеянні міжнароднаму тэрарызму.
Па выніках мерапрыемства ўдзельнікі Асамблеі прымуць прадстаўленую Пастаянным камітэтам па пытаннях міру і міжнароднай бяспекі рэзалюцыю «Пераасэнсоўваючы і перабудоўваючы падыход да мірных працэсаў для спрыяння ўсталяванню трывалага міру» і ініцыяваную Пастаянным камітэтам па ўстойлівым развіцці рэзалюцыю «Выкарыстанне інфармацыйных і камунікацыйных тэхналогій у якасці інструменту для сектара адукацыі, у тым ліку падчас пандэміі».
Вольга АЛЯКСАНДРАВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
