Мінск рыхтуецца сустракаць чарговы Раждзественскі фестываль, які пройдзе ў Навагоднюю пару – з 22 снежня па 6 студзеня – у Палацы мастацтваў
Хоць гугл-перакладчык упарта раіць называць гэты фэст Калядным, аднак жа зразумела: тут ідзе размова пра свята хрысціянскае. Якое прысвячаецца Раству Хрыстову. І “Радасць”, як паведамляецца ў дасланым прэс-рэлізе, будзе адной з галоўных Раждзественскіх падзей у Мінску.
Хрысціянскі свет рыхтуецца да свята. Людзі ў клопатах: што падарыць, чым парадаваць блізкіх? Сёлетні праваслаўны фестываль робіць яўны акцэнт на сямейную праграму, таму будзе там цікава мамам і татам, дзяўчынкам і хлопчыкам, дзяўчатам і юнакам, бабулям і дзядулям. Арганізатары “Радасці” – а ладзіць фестываль Свята-Елісавецінскі манастыр па блаславенні мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, пры падтрымцы Мінскага гарвыканкама – хочуць паказаць усім прыгажосць праваслаўных традыцый, расказаць тое, што прыадкрывае глыбіні хрысціянскага веравызнання.
Запрошаныя на фестываль святары, манахіні, урачы, псіхолагі, а таксама й мастакі, педагогі ды іншыя творчыя людзі. Яны падзеляцца досведам, дадуць парады, адкажуць на пытанні. Гасцей чакаюць творчыя сюрпрызы й прэзентацыі, экскурсіі ў часе. Можна будзе танцаваць і маляваць, рабіць падарункі блізкім сваімі рукамі, змайстраваць зоркі ды цацкі для ёлкі, паглядзець лялечныя й батлеечныя спектаклі. І хто прыйдзе на святочную імпрэзу ўсёй сям’ёй, то ўсім знойдзецца там нешта даспадобы.
Іван Іванаў
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.