Цыклон «Фолкер», які пракаціўся праз нашу краіну ў канцы мінулага тыдня, моцна ўскладніў жыццё на Гомельшчыне і Магілёўшчыне завірухамі і снегападамі.
Паводле звестак Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, месцамі таўшчыня снегавога покрыва перавышае нават 50 сантыметраў. І праз гэта істотна ўскладнілася сітуацыя на дарогах. На дапамогу прыходзілі ратавальнікі...
Толькі за 13 лютага супрацоўнікі МНС дапамаглі вызваліць са снежнага палону 254 аўтамабілі. Амаль палова з іх прыйшлася на Магілёўшчыну, прыкладна чвэрць — на Міншчыну. А раніцай у суботу паступіла паведамленне аб заторы на аўтадарозе «Мінск — Мікашэвічы» каля вёскі Радкава Салігорскага раёна. У снезе захрас аўтобус, які ехаў з Салігорска ў Мінск. Ён вёз 40 чалавек — 27 дзяцей і 13 дарослых. Пацярпелых, на шчасце, не было. Яшчэ адзін аўтобус не змог выехаць з намеці паблізу вёскі Скалодзін Мазырскага раёна. Буксіравалі ратавальнікі і грузавікі, і машыны хуткай дапамогі...
Некалькі выездаў былі звязаны з тым, што людзі трапілі ў снегавую пастку, знаходзячыся ў сябе дома. Намець была такая, што немагчыма было адчыніць уваходныя дзверы. Два такія выпадкі «разблакіроўкі» адзінокіх пенсіянераў мелі месца ў Рагачове.
Валяр'ян ШКЛЕННІК
Фота БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
