Супрацоўнікамі аддзела па барацьбе з эканамічнымі злачынствамі і інспектарамі АДАІ Баранавіцкага ГАУС каля сямі вечара ў аграгарадку Сталовічы Баранавіцкага раёна быў затрыманы аўтамабіль «Форд» пад кіраўніцтвам 46-гадовага грамадзяніна Расійскай Федэрацыі.
Кіроўца ў багажным адсеку і ў салоне транспартнага сродку перавозіў буйную партыю вадкасці з утрыманнем спірту, паведамляе УУС Брэсцкага аблвыканкама.
Пры аглядзе аўтамабіля аператыўнікі выявілі і канфіскавалі 1000 літраў спіртазмяшчальнай вадкасці на агульную суму 13 000 рублёў. Мужчына запэўніваў праваахоўнікаў, што такую колькасць «гаручай» вадкасці ён набыў для асабістага карыстання.
Расіянін і раней трапляў у поле зроку міліцыі за парушэнне адміністрацыйнага заканадаўства. У дачыненні да мужчыны складзены адміністрацыйны пратакол.
Сяргей РАСОЛЬКА
Фота з сайта УУС Брэсцкага аблвыканкама
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».