У Нігерыі на паўднёвым усходзе баевікі напалі на вёску, загінулі мірныя жыхары

Па меншай меры 13 мірных жыхароў загінулі, яшчэ некалькі зніклі без вестак у выніку нападу невядомых баевікоў на вёску ў штаце Бенуэ (паўднёвы ўсход Нігерыі), паведамляе агентцва Сіньхуа са спасылкай на мясцовую паліцыю.

Па яе звестках, каля 20 узброеных асобаў 10 жніўня ўварваліся ў вёску, адкрылі агонь па мясцовых жыхарах і спалілі іх дамы.

Паліцыя пачала расследаванне нападу і ўзмацніла меры бяпекі ў вёсцы, каб пазбегнуць паўтарэння падобных інцыдэнтаў.

Пакуль ні адна тэрарыстычная групіроўка не ўзяла на сябе адказнасць за тое, што адбылося.

Прэв’ю: БелТА