Вы тут

У Барысаўскім раёне двое прыяцеляў угналі «Жыгулі» ў сабутэльніка


З заявай аб угоне транспартнага сродку ў праваахоўныя органы звярнуўся 57-гадовы ўладальнік аўтамабіля ВАЗ-2104. Інцыдэнт адбыўся ў вёсцы Бродаўка Барысаўскага раёна.


У ходзе правядзення аператыўна-вышуковых мерапрыемстваў супрацоўнікі аддзела крымінальнага вышуку ўстанавілі, што злачынства здзейснілі 41-гадовы і 56-гадовы жыхары раёна.

Як паведамляе УУС Мінскага аблвыканкама, у той дзень пацярпелы прыехаў у госці да сваёй знаёмай, дзе яны ўжывалі спіртныя напоі. Гаспадыня дома прапанавала далучыцца да стала свайго суседа. Аднавясковец з задавальненнем прыняў запрашэнне, прыхапіўшы з сабой прыяцеля.

Ладна падпіўшы, дваім запрошаным таварышам захацелася пакатацца на машыне, якой ні ў першага, ні ў другога не было. Аднак яны ведалі, што транспартны сродак быў у прыезджага госця. Перамясціўшыся ўсе разам на вуліцу, прыяцелі сталі настойваць на паездцы, аднак уладальнік быў катэгарычна супраць. Іх не спыніла ні адмова, ні выпітае. Ударыўшы гаспадара некалькі разоў, каб ён ім не перашкаджаў, прыяцелі селі ў салон аўто і сталі важдацца з замком запальвання. Завесці без ключоў патрыманую машыну зламыснікам не склала вялікай працы. На ўгнаных «Жыгулях» таварышы накіраваліся ў суседнюю вёску. Пабыўшы там непрацяглы час, вярнуліся назад і пакінулі аўтамабіль непадалёк ад месца ўгону.

Тым не менш прагулка на чужым транспартным сродку для двух прыяцеляў скончылася крымінальнай справай за выкраданне транспартнага сродку з ужываннем гвалту.

Сяргей РАСОЛЬКА

Прэв'ю: unn.com.ua

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.