Вы тут

Гомельшчына: Сям'я пагарэльцаў прасіла дапамагчы з жыллём


Сям'я пагарэльцаў прасіла дапамагчы з жыллём, жыхары прыватнага сектара цікавіліся магчымасцю пракласці каналізацыю ў крэдыт, прадпрымальнік звярнуўся з просьбай перагледзець тэрміны ўвядзення ў эксплуатацыю набытага ім будынка... З гэтымі і іншымі пытаннямі жыхары Гомельшчыны звярнуліся да памочніка Прэзідэнта Рэспублікі Беларусь, інспектара па Гомельскай вобласці Юрыя Шулейкі.


Прамую тэлефонную лінію памочнік Прэзідэнта правёў у Гомельскім аблвыканкаме. На сувязь выйшлі 28 абанентаў — жыхароў розных куткоў рэгіёна. Асноўная праблематыка зваротаў — жыллё і камунальна-бытавыя ўмовы.

Так, жыхар Акцябрскага раёна тлумачыў, што хоча мець электракацёл у доме, але сутыкнуўся з нюансамі ўстаноўкі прылады і прасіў паспрыяць у атрыманні дазволу на яе. Выслухаўшы зворот, Юрый Шулейка рэкамендуе чалавеку звярнуцца да раённых уладаў, каб падрабязней разабрацца ў становішчы ў тэхнічным плане.

На «гарачую» лінію звярнулася жыхарка Светлагорскага раёна. Яна ў роспачы: летась у яе сям'і згарэў дом:

— Усё згарэла дашчэнту. На шчасце, усе жывыя і цэлыя, аднак стаіць пытанне наконт жылля. Да таго ж па рашэнні суда ўсе паўналетнія члены сям'і павінны выплачваць сур'ёзную суму нанесенай шкоды суседзям. З зарплаты ўтрымліваюць 50 %.

Памочнік Прэзідэнта паабяцаў, што ў праблему сям'і ўнікнуць і разгледзяць магчымыя варыянты дапамогі.

Гамяльчанка, якая жыве на апошнім паверсе аднаго з домоў па вуліцы Чкалава, скардзілася на працяканне даху пяціпавярховіка. Казала, што не толькі яна пакутуе ад гэтай праблемы. Маўляў, звярталіся ў ЖЭУ, але сітуацыя не мяняецца. Пасля аповеду гамяльчанкі Юрый Шулейка запэўніў, што на яе адрас выйдуць спецыялісты ЖКГ, каб ва ўсім разабрацца.

Прадпрымальнік звярнуўся на «гарачую» лінію з просьбай адтэрмінаваць увод у эксплуатацыю набытага ім будынка. Мужчына растлумачыў, што набыў маёмасць плошчай больш за дзве тысячы квадратных метраў. Адрамантаваў будынак напалову. Але па стане здароўя не змог скончыць рамонтныя работы і ў адведзены тэрмін увесці памяшканне ў эксплуатацыю. Выходзіць, што парушае закон, але абяцае выправіць сітуацыю. Пытанне з будынкам прадпрымальніка трэба вывучыць і ў хуткім часе даць чалавеку адказ, дае даручэнне Юрый Шулейка.

Падводзячы вынікі прамой лініі, інспектар па Гомельскай вобласці адзначыў, што ў асноўным людзі звярталіся з бытавымі пытаннямі:

— Гэта жыццёвыя тэмы — пытанні энерга- і газазабеспячэння, абрання старшыні жыллёва-будаўнічага кааператыва... Усе яны зразумелыя, людзі хочуць добраўпарадкаваць прастору вакол сябе. І ў гэтым плане знаходзяць разуменне з боку ўладаў.

Напрыклад, паступіў і такі зварот: гамяльчане — жыхары вуліц прыватнага сектара ўдзельнічаюць у долевым будаўніцтве каналізацыі. Улады падтрымалі гэтую ініцыятыву. Аднак цяпер гараджане сутыкнуліся з недахопам сродкаў. Яны цікавіліся, ці можна на гэтыя мэты выкарыстаць банкаўскае крэдытаванне.

— Гэтае пытанне трэба ўдакладніць, разабрацца і абавязкова ўсё растлумачыць жыхарам, — кажа Юрый Шулейка і зазначае, што ўлады на месцах павінны дэталёва ўнікаць у сітуацыі людзей і даваць узважаныя даручэнні адказным службам.

Наталля КАПРЫЛЕНКА

Прэв'ю: grodno-region.gov.by

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.