У Мінску распачаўся знос будынка, які з моманту нараджэння аэрапорта «Мінск-1» чвэрць стагоддзя выконваў функцыі пасажырскага тэрмінала. Невялікі двухпавярховы дом па адрасе вул. Караткевіча, 9а — папярэднік добравядомага манументальнага аэравакзала з калоннамі ў створы вуліцы Чкалава.
Пасля пераезду пасажырскіх службаў у новы будынак у 1958 годзе былы вакзал засялілі медыкі. Апошнім часам тут знаходзіліся ўрачэбна-лётная экспертная камісія і паліклініка грамадзянскай авіяцыі.
Праз еўрарамонт і надбудову трэцяга паверха ў пачатку 2000-х гг. будынак так і не атрымаў статус гісторыка-культурнай каштоўнасці. Таму і знікае ён без перашкод, каб вызваліць тэрыторыю пад будаўніцтва шматпавярховікаў.
Дзмітрый Суганяеў
Фота аўтара
Архіўныя здымкі ўзяты з сайта pastvu.com
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
