У Беларусі дыягнаставаны 861 выпадак каранавіруса

Прэзідэнт Беларусі Аляксандр Лукашэнка на сённяшняй нарадзе з прадстаўнікамі аховы здароўя агучыў статыстыку па каранавірусе ў краіне.

- У нас сёння 794 чалавекі шпіталізаваны, 31 на штучнай вентыляцыі лёгкіх.

Згодна з апублікаванымі ўчора Міністэрствам аховы здароўя дадзенымі, у Беларусі было зарэгістравана 700 выпадкаў каранавіруса. Былі шпіталізаваны 634 чалавекі. Зарэгістравана 13 выпадкаў смерці пацыентаў, у якіх шматлікія хранічныя захворванні былі абцяжараны каранавіруснай інфекцыяй.

Паводле звестак Міністэрства аховы здароўя, выпісаліся 54 чалавекі. Гэтая інфармацыя размешчана на сайце, які запрацаваў на базе БЕЛТА. Там жа даюцца і лічбы па рэгіёнах.

• Мінск: 497 шпіталізаваны, 25 выпісаныя, 5 памерлі
• Мінская вобласць: 91 шпіталізаваны, 1 выпісаны, 3 памерлі
• Віцебская вобласць: 143 шпіталізаваны, 27 выпісаныя, 5 памерлі
• Магілёўская вобласць: 18 шпіталізаваны
• Гомельская вобласць: 32 шпіталізаваны, 1 выпісаны
• Брэсцкая вобласць: 3 шпіталізаваны
• Гродзенская вобласць: 10 шпіталізаваны.

Прэв'ю: europa.eu