Вы тут

СААЗ рэкамендуе займацца спортам у хатнiх умовах


У цяперашняй сiтуацыi пандэмii, калi многiя вымушаны заставацца дома, самаiзалявацца або сядзець на каранцiне, а ўсё больш фiтнес-цэнтраў i трэнажорных залаў прыпыняюць сваю дзейнасць, кожнаму здароваму чалавеку важна падтрымлiваць фiзiчную форму.


Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе i якасць жыцця, гаворыцца на афiцыйным сайце СААЗ, а таксама выклiкаць дадатковы стрэс i паставiць пад пагрозу псiхiчнае здароўе грамадзян. Фiзiчныя практыкаваннi i тэхнiкi расслаблення дапамогуць захаваць спакой i абаранiць здароўе.

СААЗ рэкамендуе 150 хвiлiн умеранай фiзiчнай актыўнасцi або 75 хвiлiн iнтэнсiўнай фiзiчнай актыўнасцi ў тыдзень. У заяве арганiзацыi гаворыцца пра неабходнасць рабiць кароткiя актыўныя перапынкi цягам дня. Гэта могуць быць танцы, гульнi з дзецьмi альбо, напрыклад, выкананне хатнiх спраў, такiх як уборка дома. Таксама СААЗ рэкамендуе скарыстацца анлайн-рэсурсамi, якiя прапануюць комплекс фiзiчных практыкаванняў, — многiя з iх знаходзяцца ў бясплатным доступе на YouTube. Для хатнiх заняткаў падыдуць уздымы калена да локця, планка, прысяданнi, бакавыя ўздымы калена i масток.

Спецыялiсты звяртаюць увагу на элементарныя рэчы, напрыклад, такiя, як хада: нават у невялiкiх памяшканнях хаджэнне па перыметры або марш на месцы можа дапамагчы чалавеку заставацца актыўным. «Калi вам тэлефануюць, стойце цi хадзiце па хаце падчас размовы, а не сядзiце. Калi вы вырашылi выйсцi на вулiцу, каб прагуляцца або заняцца спортам, пераканайцеся, што вы знаходзiцеся на адлегласцi не менш за 1 метр ад iншых людзей», — гаворыцца на сайце Сусветнай арганiзацыi аховы здароўя.

Таксама рэкамендуецца скарацiць час, якi чалавек праводзiць у сядзячым становiшчы, i па магчымасцi аддаваць перавагу стаячаму. «У iдэале ў кожны асобны перыяд старайцеся заставацца не больш за 30 хвiлiн у сядзячым становiшчы i становiшчы лежачы. Разглядзiце магчымасць выкарыстання стала на высокiх ножках, якi дазваляе працаваць у становiшчы стоячы, або выкарыстоўвайце ў якасцi падставак кнiгi цi iншыя прыстасаваннi. Падчас адпачынку ў сядзячым становiшчы займайцеся разумовымi вiдамi дзейнасцi, такiмi як чытанне, настольныя гульнi i пазлы», — раяць спецыялiсты.

Медытацыя, глыбокiя ўдыхi i выдыхi дапамогуць захоўваць спакой.

Для падтрымання аптымальнага стану здароўя таксама важна памятаць аб неабходнасцi правiльна харчавацца i ўжываць дастатковую колькасць вады.

Дар'я Лабажэвiч

Загаловак у газеце: Фiзiчная актыўнасць патрэбна заўсёды!

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.