Вы тут

Мужчына падабраў чужы кашалёк, забраў грошы і перадаў яго адміністрацыі ГЦ


Сышчыкі Першамайскага РУУС сталіцы ўстанавілі асобу мужчыны, які здзейсніў крадзеж пакінутага без нагляду чужога кашалька з 600 рублямі.


У міліцыю звярнуўся малады чалавек, які распавёў праваахоўнікам аб тым, што ў яго знік кашалёк з грашыма. Пазней высветлілася, што ён выпаў у яго з кішэні ў гандлёвым цэнтры.

Фота: Andrew Khoroshavin / Pixabay

Было ўстаноўлена, што ў ім заяўнік чакаў сваю сяброўку на лаўцы. А калі ўставаў, то кашалёк выпаў з кішэні. Праз пару хвілін ім зацікавіўся мужчына. Ён падняў яго, адкрыў, пералічыў грошы і забраў іх сабе. Кашалёк жа аддаў прадстаўнікам адміністрацыі гандлёвага цэнтра.

Як паведамілі ў ГУУС Мінгарвыканкама, зламыснікам апынуўся 49-гадовы непрацуючы мінчанін, які раней прыцягваўся да крымінальнай адказнасці. Праваахоўнікі затрымалі яго на наступны дзень па месцы жыхарства. Мужчына растлумачыў аператыўнікам, што грошы ўзяў сабе на асабістыя патрэбы і 300 рублёў ужо выдаткаваў на прадукты і алкаголь.

Сяргей РАСОЛЬКА

Выбар рэдакцыі

Грамадства

Гараджан, якія з выхадам на пенсію вяртаюцца ў бацькоўскія дамы, становіцца ўсё больш

Гараджан, якія з выхадам на пенсію вяртаюцца ў бацькоўскія дамы, становіцца ўсё больш

Цяпер ледзь не ў кожнай вёсцы можна сустрэць былых гараджан.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра стасункі, армію і падарункі.