Цягнік Брэст — Гомель збіў 40-гадовага мужчыну

19 студзеня цягнік паведамленнем Брэст — Гомель да смерці збіў 40-гадовага мужчыну, паведамляе прэс-служба МУС у твітары.

У 22.37 каля аграгарадка Малатковічы пад састаў трапіў 40-гадовы мясцовы жыхар. Машыніст ужыў экстранае тармажэнне, аднак пазбегнуць наезду не ўдалося. Ад атрыманых траўмаў мужчына загінуў на месцы.

Затрымкі руху цягнікоў не было.

З пачатку года на чыгунцы адбылося чатыры няшчасныя выпадкі, у выніку якіх загінулі чацвёра.