Вы тут

У Гродзенскай вобласці ёсць праблемы з будаўніцтвам жылля


У КДК Гродзенскай вобласці звярнулі ўвагу на нізкія тэмпы ўводу ў эксплуатацыю жылых дамоў і парушэнні нарматыўных тэрмінаў

Напрыклад, толькі чатыры раёны выканалі гадавы план па будаўніцтве жылля. Самы нізкі паказчык па ўводзе ў эксплуатацыю квадратных метраў жылой плошчы — у Свіслацкім раёне. Тут летась пабудаваны толькі індывідуальныя дамы агульнай плошчай 540 квадратных метраў.


Фота: domofoto.ru

А вось планы па будаўніцтве 56-кватэрнага дома так і не здзейсніліся, хоць яго разлічвалі ўзвесці яшчэ ў 2018 годзе. Як высветлілася, не была своечасова распрацавана праектна-каштарысная дакументацыя, што ў сваю чаргу не дазволіла ўнесці дом у спіс аб'ектаў для льготнага крэдытавання. У выніку жылы дом у Свіслачы давялося замяніць на 72-кватэрны ў Мастах.

Дарэчы, будаўніцтва шматкватэрных жылых дамоў у Свіслачы не вялося з 2016 года, хоць у спісе жыхароў, якія маюць патрэбу ў паляпшэнні жыллёвых умоў, знаходзіцца амаль 600 чалавек, у тым ліку больш за 70 шматдзетных сем'яў. Між тым кіраўнік дзяржавы ставіць задачу перад мясцовымі выканаўчымі ўладамі павялічыць аб'ёмы будаўніцтва жылля для гэтай катэгорыі, канстатуюць у дзяржкантролі.

Таксама ў КДК паведамілі пра парушэнне нарматыўных тэрмінаў будаўніцтва шматпавярховых жылых дамоў. Асабліва гэта датычыцца Гродна, дзе ўзводзяцца новыя мікрараёны, а таксама Смаргоні і Астраўца. Акрамя гэтага, па ўзгадненні з органамі ўлады забудоўшчыкамі практыкуецца спыненне работ, якое матывуецца недахопам абаротных сродкаў і зніжэннем попыту на рынку нерухомасці. Так, летась ААТ «Гроднажылбуд» прыпынена будаўніцтва пяці аб'ектаў, з іх тры перанесены на гэты год. Таксама ёсць нямала фактаў нясвоечасовага выканання прадпрыемствам сезонных работ. Гэта датычыцца 17 жылых дамоў, дзе асобныя іх віды не выконваліся, хоць і былі перанесены на спрыяльны перыяд года.

Пра наяўнасць праблем і недахопаў у жыллёвым будаўніцтве сведчаць і шматлікія звароты грамадзян, якія паступаюць у дзяржкантроль. Больш за ўсё нараканняў на падрадную арганізацыю «Гроднааблсельбуд» і яе філіялы. Жыхары скардзяцца на няякаснае выкананне будаўнічых работ, парушэнне нарматываў, нясвоечасовасць, невыпраўленне дэфектаў у гарантыйны тэрмін. Большасць скаргаў датычыцца Гродна, Ліды і Шчучына. Некаторыя звароты ўдалося вырашыць станоўча з дапамогай дзяржаўных інспектараў.

Маргарыта Ушкевіч

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.