Вы тут

«Шчыт і меч» на варце кемлівасці


У сценах Акадэміі Міністэрства ўнутраных спраў на мінулых выхадных прайшоў XV міжнародны турнір па інтэлектуальных гульнях. Барацьбу за кубак пераможцы вялі 38 камандаў моладзі з Беларусі, Расіі і Украіны, якія аб'ядналі каля 300 чалавек. Дружыны з сілавых і грамадзянскіх ВНУ спаборнічалі асобна.


Турнір уключаў у сябе дзве гульні — «Эрудыт-квартэт», максімальна набліжаную да класічнай «Сваёй гульні», і «Што? Дзе? Калі?»

— У нашай камандзе шэсць удзельнікаў, сярод якіх дзве дзяўчыны і чатыры хлопцы. Усе яны старшакурснікі, — зазначыў выкладчык кафедры крымінальна-выканаўчага права Самарскага юрыдычнага інстытута Федэральнай службы выканання пакаранняў Расіі маёр Дзмітрый Адылін. — У Расіі мы пастаянна ўдзельнічаем у падобных спаборніцтвах, але ў нас яны звязаны з тэматыкай сілавых структур. Тут жа трэба быць даволі дасведчаным у многіх сферах жыцця — мастацтве, біялогіі, гісторыі, культуры, спорце, дакладных навуках... І канешне, добра разважаць лагічна — часам правільныя адказы на некаторыя пытанні можна вывесці менавіта такім шляхам.

Але ці не падобна гэта на паб-квізы, вельмі папулярныя апошнім часам?

— У нас фармат крыху іншы, — тлумачыць член аргкамітэта спаборніцтваў Васіль Ядчанка. — Квіз — гэта аблегчаны варыянт «Што? Дзе? Калі?» для тых, хто хоча не толькі паспаборнічаць, але і пазабавіцца. Мы ж прытрымліваемся класічнага кірунку. І трэба сказаць, што нават трапляюць на нашы спаборніцтвы часта праз адборачныя гульні. Напрыклад, сёлетняя квота ад Мінска — восем камандаў, а спачатку заяўлялася сямнаццаць.

Турнір «Шчыт і меч» праводзіўся пры падтрымцы Беларускай лігі інтэлектуальных камандаў. Ёй жа гэтыя спаборніцтвы былі прызнаны найлепшымі па выніках мінулага сезона. Сёлета статус павышаны — турнір выводзіць на чэмпіянат Беларусі па інтэлектуальных гульнях і на адпаведны Кубак Еўропы.

Сярод сілавых вышэйшых навучальных устаноў уладальнікам прызавога кубка стала каманда Акадэміі МУС. У сталічных курсантаў гэта ўжо чацвёртая запар
перамога.

Валяр'ян ШКЛЕННІК

Прэв'ю: amia.by

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.