Сацсетка паведаміла аб запуску функцыі, якая хавае колькасць лайкаў пад публікацыямі. Раней у Instagram заявілі, што гэтая мера дазволіць панізіць "сацыяльнае параўнанне" з іншымі карыстальнікамі.
Сацыяльная сетка па абмене фатаграфіямі і кароткімі відэазапісамі Instagram пачала ў тэставым рэжыме хаваць колькасць лайкаў пад пастамі карыстальнікаў па ўсім свеце. Аб гэтым паведамляецца ў твітары сацсеткі, паведамляе rbc.ru.
Як вынікае з тэксту паведамлення, карыстальнікі больш не змогуць бачыць агульную колькасць лайкаў і праглядаў фатаграфій і відэа, якімі падзяліліся ўладальнікі іншых акаўнтаў. Пры гэтым сам чалавек, якія размясціў фота ці відэаролік, па-ранейшаму зможа паглядзець, колькі лайкаў атрымалі яго публікацыі.
У Instagram паведамілі, што раней функцыю ўжо пратэставалі ў Аўстраліі, Бразіліі, Канадзе, Ірландыі, Італіі, Новай Зеландыі і Японіі, дзе эксперымент паказаў станоўчыя вынікі. У сувязі з гэтым сацсетка прыняла рашэнне пашырыць тэставую праграму. У Instagram назвалі гэтую меру кардынальнай зменай для сацсеткі, паведаміўшы, што працягнуць тэст для збору дадатковых дадзеных. У сацыяльнай сетцы таксама адзначылі, што разумеюць неабходнасць падліку лайкаў уладальнікамі акаўнтаў, якія зарабляюць на стварэнні кантэнту, і распрацоўваюць спосабы, якія дазволяць ім дзяліцца статыстыкай са сваімі партнёрамі.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
