Вы тут

Маладзёжны адукацыйны форум “Mass media weekend” упершыню пройдзе ў БДУ


Мерапрыемствы разлічаны на тры дні. Старт форуму будзе дадзены 4 лістапада на факультэце журналістыкі ўніверсітэта. Удзельнікамі падзей стануць каля 200 навучэнцаў школ, студэнтаў і пачынаючых журналістаў з усёй краіны. Для іх падрыхтаваны майстар-класы вядомых журналістаў, блогераў, а таксама розныя конкурсы.


Пра блогерства раскажуць аўтары спартыўных YouTube-каналаў  “Hodasevich-LIVE” Мікалай Хадасевіч і “ЧестнОК” Аляксандр Івулін. Абодва журналіста асвятляюць айчынныя футбольныя падзеі. Аўтары патлумачаць, чым адрозніваецца спартыўная журналістыка на тэлебачанні і YouTube, і навучаць майстэрству відэаздымкі, якое можа прыцягнуць дзясяткі тысяч праглядаў.

Крэатыўны менеджар кампаніі MediaCube, тэлевядучы, спартыўны каментатар Павел Кіслы выступіць з тэмай  “Чаму тлумачальная журналістыка — гэта тое, што дакладна трэба?”. Госць падзеліцца вопытам працы ў дадзеным жанры і парадамі па падачы падзей або фактаў непадрыхтаванаму чытачу на даступнай яму мове.

Акрамя таго, на майстар-класах “Прынцыпы стварэння чытэльнага інтэрв'ю" і "Відэа і тлумачальная журналістыка” слухачы даведаюцца аб тэхналогіях ператварэння ідэі ў журналісцкі матэрыял, спецыфіцы каманднай працы, а таксама аб асноўных правілах стварэння якаснага відэакантэнту.

Таксама форум уключае практычную частку. На працягу двух дзён у рамках квэста ўдзельнікам у складзе зборных трэба будзе напісаць тэксты, падрыхтаваць фота і відэа на тэму “75 гадоў факультэту журналістыкі БДУ”. Прафесійнае журы ацэніць працы ў намінацыях “Найлепшая каманда”, “Найлепшае фота", "Найлепшы тэкст” і “Найлепшае відэа”.

Канцэпцыю мерапрыемства распрацавалі студэнты факультэта журналістыкі БДУ.

Надзея НІКАЛАЕВА

Прэв'ю: sputnik.by

Выбар рэдакцыі

Грамадства

Хворым на фенілкетанурыю могуць палепшыць забяспячэнне прадуктамі харчавання

Хворым на фенілкетанурыю могуць палепшыць забяспячэнне прадуктамі харчавання

Міністэрства аховы здароўя адказала на публікацыю «Звязды».

Палітыка

На пасяджэнні ЦВК зарэгістраваны 56 членаў Савета Рэспублікі сёмага склікання

На пасяджэнні ЦВК зарэгістраваны 56 членаў Савета Рэспублікі сёмага склікання

Выбары прайшлі ў прыўзнятай атмасферы, дастойна і з яркімі выступленнямі.

Калейдаскоп

«Звязда» пабывала на здымках «Талента краіны»

«Звязда» пабывала на здымках «Талента краіны»

Ужо ў гэту суботу на АНТ вялікая прэм'ера.

Культура

У Беларусі будзе стварацца археалагічная карта

У Беларусі будзе стварацца археалагічная карта

Калі Скарына прыехаў у Кракаў, і як выглядаў малы Рагвалодавіч.