Вы тут

Бабіна лета, і без варыянтаў


Тэмпература паветра будзе падымацца ўначы да плюс 12 градусаў, а ўдзень наогул —  да 21—23 цяпла

Вось у сярэдзіне кастрычніка да нас і прыйшлі цёплыя і сухія дзянькі. На гэтым тыдні будзе пераважаць антыцыкланальны характар надвор'я, пераважна без ападкаў. Толькі ў сярэдзіне тыдня малаактыўныя атмасферныя франты, якія будуць перамяшчацца праз тэрыторыю краіны, выклічуць месцамі кароткачасовыя дажджы. Тэмпературны фон на гэтым тыдні будзе ўтрымлівацца на 4—7 градусаў вышэй за кліматычную норму, паведамілі спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.


Фота iz.ru

Ужо заўтра, 16 кастрычніка, будзе пераважна без ападкаў, толькі па паўночным захадзе краіны малаактыўны атмасферны фронт абумовіць у асобных раёнах невялікія кароткачасовыя дажджы. Тэмпература паветра ўначы складзе ад плюс 5 па паўночным усходзе да плюс 12 градусаў па захадзе краіны. Удзень будзе 14—21 цяпла, па поўдні краіны паветра прагрэецца да 23 градусаў. У чацвер бабіна лета злёгку сапсуецца. А ўсё таму, што сонечнае надвор'е паціху адступіць: пад уплывам малаактыўнага атмасфернага фронту месцамі пройдуць кароткачасовыя дажджы. Уначы і раніцай у асобных раёнах чакаецца туман. Тэмпература паветра ўначы складзе 6—12 градусаў вышэй за нуль, удзень будзе ў асноўным ад плюс 12 да плюс 18 градусаў, па поўдні — 19—21 цяпла. У пятніцу месцамі па паўночнай частцы краіны пройдуць кароткачасовыя дажджы, але яны будуць зусім невялікія і толькі ў некаторых месцах. Уначы і раніцай у асобных раёнах чакаецца туман. Тэмпература паветра ноччу складзе 6—12 цяпла, а ўдзень будзе ад плюс 11 да плюс 17 градусаў, па поўдні краіны — да 18—20 цяпла.

Паводле папярэдніх прагнозаў айчынных сіноптыкаў, у выхадныя дні чакаецца цёплае, пераважна без ападкаў, надвор'е. У суботу і нядзелю будзе ў асноўным суха і сонечна. Уначы і раніцай месцамі чакаецца туман. Тэмпература паветра ўначы складзе 5—12 цяпла, а ўдзень — ад плюс 12 да плюс 18 градусаў, па поўдні краіны — да 19—21 цяпла.

Сяргей КУРКАЧ

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.