Вы тут

Дэфіле ля крыніцы


Маленькі сучасны горад Дзісна, які бярэ свой пачатак у Сярэднявеччы, месціцца на берагах адразу дзвюх рэк — Дзвіны і Дзісны. Спрадвеку тут працавалі арцелі, квітнела рамяство, сярод майстравых людзей шчыравалі і ганчары. Іхнія вырабы і дагэтуль захоўваюцца ў ашчадных гаспадароў і на музейных паліцах. Уздоўж рачных берагоў струменяць шматлікія крыніцы. Адзін з такіх вытокаў знаходзіцца на левым дзісенскім беразе. Над вытокам збудаваны драўляны шацёр, вада збіраецца ў цэментны калодзеж круглай формы — сюды вядзе вузкая, але выбітая сцяжына. Ужо не адно стагоддзе дзісенцы ходзяць па сцежцы «ў крыніцу» — так спрадвеку называюць гэтае месца, каб зачэрпнуць чыстай, халоднай, смачнай вады. Выток хоць і не з'яўляецца афіцыйным помнікам прыроды, але, насамрэч, такі ён і ёсць.


Вяртаннем да сваіх спрадвечных вытокаў у Дзісне стала і праца мясцовага Цэнтра рамёстваў па адраджэнні жаночых строяў. Майстры-рукадзельнікі на аснове архіўных звестак і пошукавых экспедыцый аднавілі строі гарадской мяшчанкі канца ХІХ пачатку ХХ стагоддзя і строі замужняй жанчыны-сялянкі ХVІІІ-ХІХ стагоддзяў. Вось што кажа пра рэканструкцыю строяў мясцовая жыхарка Людміла Ганебная (на фота справа) — майстрыха па ткацтве, дырэктар Цэнтра рамёстваў: «Гэтыя строі складаюцца з асноўных элементаў — кашулі, жылеткі, фартуха, андарака, пояса, наміткі. Мінулай зімой я вышывала карункі на рукавах і наплечніках — капіявала іх з аўтэнтычнай кашулі, ткала пояс, падбірала колер, выкройвала і шыла іншыя часткі касцюма».

Подыум для дэфіле строяў выбралі менавіта каля крыніцы. Людміла Ганебная і кіраўнік гуртка па пляценні і вязанні Яўгенія Козел прыйшлі з гліняным посудам ад старых майстроў, каб падкрэсліць натуральнае асяроддзе, спалучэнне сучаснасці і старажытнасці.

Анатоль Кляшчук, фота аўтара, Мёрскі раён

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.