Вы тут

Амаль 100 жывапісных і графічных работ гомельскіх мастакоў прадставяць у Мінску


Выстава гомельскіх мастакоў "Чатыры пакоі" адкрыецца ў галерэі "Універсітэт культуры" 19 жніўня, паведаміла БЕЛТА дырэктар галерэі Марына Татарэвіч.


"Канцэпцыя экспазіцыі заключаецца ў праходжанні чатырох метамарфоз. У кожнай з залаў галерэі будзе прадстаўлена невялікая калекцыя твораў з розным тэматычным напрамкам. Наведвальнікі ўбачаць каля 100 жывапісных і графічных работ, а таксама прадметы дэкаратыўна-прыкладнога мастацтва зусім розных па светаўспрыманні мастакоў, - расказала Марына Татарэвіч. - "Чатыры пакоі" пакажуць работы Таццяны Гершгорынай (пакой "Ілюзія сноў"), Святланы Каласковай-Чаплінскай ("Падарожжа"), Сяргея Каўрыгі ( "Дзевы - Рыбы - Пісталеты") і Аляксея Наважылава ("Зебра")".

Кожны з аўтараў прыйшоў да мастацтва сваім шляхам. Таццяна Гершгорына спачатку атрымала тэхнічную, а затым мастацкую адукацыю. З 2015 года - член Саюза дызайнераў Масквы, а з 2017-га - член Беларускай гільдыі майстроў і рамеснікаў.

Аляксей Наважылаў наведваў Гомельскую дзіцячую мастацкую школу. Служыў у Афганістане, пасля чаго працаваў будаўніком і пры гэтым увесь час маляваў.

Сяргей Каўрыга скончыў Мінскі радыётэхнічны інстытут (цяпер Беларускі дзяржаўны ўніверсітэт інфарматыкі і радыёэлектронікі), паралельна наведваў мастацкія студыі, курсы. Прымаў удзел у беларускіх і замежных выставах. Займаецца рэстаўрацыяй храмаў, напісаннем і рэстаўрацыяй абразоў. Захапляецца стымпанкам, стварае пано, свяцільні і аксесуары ў гэтым стылі.

Святлана Каласкова-Чаплінская скончыла мастацкую навучальную ўстанову Літвы - Каўнаскі тэхнікум прыкладнога мастацтва імя С. Жукаса, са студэнцкіх гадоў працавала актрысай Каўнаскага тэатра пантамімы. У Гомелі стала дызайнерам па шкле завода "Карал". У 90-я гады адкрыла студыю "Алегорыя". Цяпер працуе візажыстам.

  • Выстава "Чатыры пакоі", якая праводзіцца пры ўдзеле Беларускай гільдыі майстроў і рамеснікаў, прадоўжыцца па 1 верасня.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.