Вы тут

«Пракаты чэмпіёнаў» убачыў Мінск


На сталічным катку «Алімпік Арэны» са сваімі новымі праграмамі выступілі вучні прызёра Алімпійскіх гульняў, заслужанага трэнера Расіі па фігурным катанні Аляксандра Жуліна.


Сваё майстэрства прадэманстравалі іспанцы Сара Уртада і Кірыл Халявін, сярэбраныя прызёры чэмпіянату свету ў танцах на лёдзе, сярэбраныя прызёры фіналу Гран-пры, чэмпіёны Расіі, бронзавыя прызёры каманднага чэмпіянату свету Вікторыя Сініцына і Мікіта Кацалапаў, чэмпіёны зімовай Універсіяды ў танцах на лёдзе, бронзавыя прызёры юніёрскага чэмпіянату свету, трохразовыя чэмпіёны Украіны Аляксандра Назарава і Максім Нікіцін, а таксама кітайскі танцавальны дуэт Чэнь Сізі і Сінь Цзяньін, і чэмпіёны Кіпра Ангеліна Кудраўцава і Ілля Каранкевіч. Не абыйшлося шоу і без удзелу беларусаў, найлепшай пары краіны Ганны Кублікавай і Юрыя Гуліцкага. Таксама чатыры беларускія юніёрскія пары, якія трэніруюцца ў Аляксандра Жуліна, прадставілі свае нумары. Усяго ў шоу была прадэманстравана 21 праграма.

- Пасля гэтага шоу, спадзяюся, у Беларусі з'явіцца больш дзетак, якія займаюцца фігурным катаннем, - адзначыў Аляксандр Жулін. - Гэта шоу атрымалася ў нас спантанна, мы толькі-толькі паставілі гэтыя праграмы, будзем іх яшчэ дапрацоўваць. Працаваць трэба вельмі шмат.

Пары Жуліна напярэдадні скончылі працяглы збор у Раўбічах. Настаўнік адзначыў, што гэта былі першыя зборы ў Беларусі і іх якасць яму вельмі спадабалася.

- Трэніровачная база ў Раўбічах мне вельмі спадабалася, нам далі дзевяць гадзін лёду ў дзень, а часта менавіта часу на лёдзе і не хапае. Мы б хацелі працягваць і ў наступным годзе трэніравацца ў Беларусі, будзем абмяркоўваць гэтае пытанне. Што тычыцца вашай пары Гуліцкі/Кублікава, яны вельмі стараюцца, іх прагрэс заўважны, бо беларусы трэніруюцца разам з другой парай у свеце Вікторыяй Сініцынай і Мікітам Кацалапавым.

Далей група Жуліна пераязджае трэніравацца ў Маскву, а ў верасні ў спартсменаў ўжо пачнуцца міжнародныя турніры.

- Наша падрыхтоўка праходзіць нядрэнна, праграмы пакуль яшчэ “сырыя”, але нам яны падабаюцца, засталося толькі працаваць над іх чысцінёй, мы дадалі шмат новых элементаў, у тым ліку падтрымкі максімальнай складанасці - адзначыў Юрый Гуліцкі.

- Сёлета мы будзем танчыць пад музыку з мюзіклаў і блюз, нам яна вельмі падыходзіць, мы яе адчуваем, - дадала Ганна Кублікава.

У канцы верасня беларуская пара пачне новы спаборніцкі сезон стартам на першым міжнародным турніры.

Дар'я ЛАБАЖЭВІЧ

Фота Ганны ЗАНКАВІЧ

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.