Вы тут

Песню бярыце з сабою. «Спявай мне, дзяўчынка»


Міхась Чарот (1896—1937) — вядомы беларускі паэт, празаік, драматург. Адзін з лідараў беларускай літаратуры 1920-х гадоў. Скончыў Маладзечанскую настаўніцкую семінарыю. Быў супрацоўнікам і рэдактарам газеты «Савецкая Беларусь», ініцыятарам стварэння і кіраўніком першага ў рэспубліцы літаратурнага аб'яднання «Маладняк». Аўтар кніжак вершаў, паэм і зборнікаў апавяданняў. Паводле аповесці «Свінапас» напісаў сцэнарый да першага айчыннага фільма «Лясная быль» (1926 год). П'еса «Мікітаў лапаць» і цяпер з вялікім поспехам ідзе на сцэнах беларускіх тэатраў.


Вершы — Міхась ЧАРОТ, музыка — Яўген КСЯНЕВІЧ

Ці помніш спатканне,

нясмелы пагляд...

Нам зорка там з неба ўпала,

Там месячык ясны

ўзіраўся на сад,

Ты думкі мае ўгадала.

Прыпеў (2 разы):

Спявай мне, дзяўчынка, пра кветкі, пра гай,

Пра лепшыя дні, пра вясну,

Пра наша каханне,

галубка, спявай —

Пад ціхі твой спеў я засну.

І песню пачуў я, ты пела тады,

А гукі нясліся далёка,

Той песні вясенняй

засталіся сляды,

У сэрцы запалі глыбока.

Прыпеў (2 разы)

Гады праляцелі...

Нібы неўзначай,

Мы разам спаткалі вясну...

Дык зноў тую песню,

дзяўчынка, спявай —

Пад ціхі твой спеў я засну...

Прыпеў (2 разы)

Рубрыку вядзе Яўген Ксяневіч

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.