Вера Вярба (1942—2012) — адна з яскравых беларускіх паэтэс другой паловы ХХ стагоддзя. Сапраўднае імя — Гертруда Сакалова. Як паэтэса стала вядомай у дваццацігадовым узросце, друкавалася ў часопісах «Вясёлка», «Бярозка», «Маладосць», «Полымя». Лірыка паэтэсы рамантычная, эмацыянальная, жаноцкая. На сваім творчым шляху сустрэла цяжкія выпрабаванні: разам з захопленымі рэцэнзіямі на яе кнігі паэзіі былі і разгромныя. Выдала шэраг зборнікаў вершаў, у тым ліку «Вочы вясны», «Высакосны год», «Сіняя бухта», «Альфа», «Мая маленькая планета», «Яраслаўна», «Выбранае», «Белыя пісьмы», «Апошні верасень». Член Саюза пісьменнікаў БССР з 1964 г.
СЛЁЗЫ, СЛЁЗЫ, СЛЁЗАНЬКІ...
Вершы — Вера ВЯРБА, музыка — Яўген КСЯНЕВІЧ.
1. — Не любіце жанчын
па міласці, —
Паўтараю каторы раз,
Я званю,
бо хачу справядлівасці,
Я званю,
каб убачыць вас.
Прыпеў:
Слёзы, слёзы,
слёзанькі,
Божая раса.
Ці збярэш ты, божанька,
Тыя слёзы сам.
Колькі я праплакала
ў раннюю пару,
Высахла як макаўка.
Думала, памру.
2. Я іду,
між падобных пакорная,
Абганяючы словы
і час,
А сцяжынка ляціць
над прорваю,
Я іду, каб убачыць вас.
Прыпеў.
3. Я жыву легкадумна,
паспешліва,
І няма апраўдання
ў адказ.
Адкажу на папрокі
усмешкаю:
— Я жыву,
каб убачыць вас.
Прыпеў
Яўген КСЯНЕВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».