Вы тут

У Мазыры адкрыўся грамадскі цэнтр сацыяльных паслуг «Асаблівае сэрца»


Грамадскі цэнтр сацыяльных паслуг «Асаблівае сэрца» адкрыўся ў Мазыры ў пачатку чэрвеня. Гэта бацькоўская арганізацыя, членамі якой з'яўляюцца 49 сем'яў, дзе жывуць дзеці-інваліды ці маладыя людзі з інваліднасцю.


Першапачаткова Мазырская арганізацыя «БелАДДзІіМІ» была сямейным клубам і трымалася на шасці ініцыятыўных матулях. Цяпер тут рэалізоўваюцца два міжнародныя праекты. Дзякуючы дабрачыннаму фонду «Дзікія гусі» з Нідэрландаў бацькі вывучаюць канцэпцыі кінестэтыкс і эргатэрапію, каб авалодаць прафесійнымі навыкамі дагляду за ляжачымі. А праект «Сямейны клуб «Адкрытае асаблівае сэрца», падтрыманы пасольствам ЗША па праграме малых грантаў, прапануе шматлікія паслугі сацыяльна неабароненым групам насельніцтва, у тым ліку тым, хто знаходзіцца ў сацыяльна небяспечным становішчы. Гэта псіхатрэнінгі, няня на гадзіну, работа з сіблінгамі — здаровымі дзеткамі з сем'яў, дзе ёсць інваліды.

Абодва праекты аб'ядноўвае ў грамадскі цэнтр сацыяльных паслуг «Асаблівае сэрца» ініцыятыва ў межах праекта «Мастацтва за інклюзію людзей з інваліднасцю», які быў падтрыманы Агенцтвам па міжнародным развіцці ЗША (USАІD).

— Мы працуем на ўсіх членаў сям'і, — тлумачыць Валянціна БІЧЫКАВА, старшыня цэнтра сацыяльных паслуг «Асаблівае сэрца». — Ведаючы, як функцыянуе цела, ты можаш лепш дапамагчы свайму дзіцяці і такім чынам зрабіць яго больш мабільным. Гэта таксама і псіхалагічная перадышка, бо найчасцей мамы з дзецьмі-інвалідамі застаюцца адны. Яшчэ — навучанне камп'ютарнай грамаце больш сталых бацькоў, дамаводства, кулінарыя, рукадзелле і шмат іншых заняткаў і паслуг. А часам бацькам проста трэба пагаварыць...

Падобны цэнтр у Беларусі першы, і ён ставіць перад сабой максімальна амбіцыйныя планы дапамогі.

Ірына СІДАРОК

Загаловак у газеце: «Асаблівае сэрца» для дапамогі

Выбар рэдакцыі

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.

Эканоміка

Ці можна гандляваць у падземных пераходах?

Ці можна гандляваць у падземных пераходах?

Быў час, калі людзі, якія гандлявалі ў пераходах, «ставілі» на выхадзе з перахода чалавека, які папярэджваў аб набліжэнні міліцыянераў.

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.