Вы тут

У Нацыянальным алімпійскім камітэце прадставілі беларускую каманду


На Еўрапейскіх гульнях у Мінску ў складзе нашай каманды выступіць 221 атлет, ім будуць дапамагаць 149 трэнераў, восем чалавек — у адміністрацыйнай групе, сем спецыялістаў — у медыцынскай.


«Я не стаў бы вылучаць нікога з беларускай каманды, разлічваем на ўсіх. Беларусы будуць выступаць перад роднымі трыбунамі, што павінна матываваць іх, — адзначыў шэф місіі, першы намеснік міністра спорту і турызму Беларусі Вячаслаў Дурноў. — Задача кіраўніком дзяржавы была агучана раней: неабходна заваяваць медаляў не менш, чым на Еўрапейскіх гульнях у Баку: у сталіцы Азербайджана ў скарбонцы беларускай зборнай было 43 узнагароды, 10 з якіх залатыя. Аналіз выступленняў атлетаў за апошнія два гады паказаў, што як мінімум у 10 відах спорту мы маем рэальныя шанцы на поспех. На спартыўным форуме ў Мінску мы будзем клапаціцца і аб якасці ўзнагарод», — сказаў Вячаслаў Дурноў.

Ён падкрэсліў, што канкурэнцыя будзе дастаткова сур'ёзная, у Мінску збяруцца многія вядучыя атлеты. Адказныя задачы стаяць не толькі перад спартсменамі, але і перад медыцынскай групай, Нацыянальным антыдопінгавым агенцтвам. «Падрыхтоўка да Еўрапейскіх гульняў праведзена старанная. У Вёсцы спартсменаў забяспечаны належны кантроль за харчаваннем, гэта ж датычыцца і медыцынскіх прэпаратаў. Калі паўстане неабходнасць прымяніць рэчыва, у якім маюцца забароненыя субстанцыі, то такі прэпарат абавязкова прамаркіраваны, існуе адмысловая працэдура яго прымянення», — адзначыў дырэктар НАДА Дзяніс Мужжухін.

Талісманам беларускай каманды традыцыйна выступіць Агрык, добра знаёмы беларускім атлетам па іншых буйных міжнародных стартах.

Таксама ў НАК прадставілі форму, у якой будуць выступаць беларускія спартсмены. Камплект экіпіроўкі ўключае 18 прадметаў адзення і абутку. Яго распрацоўкай займалася пінскае прадпрыемства. Пры стварэнні калекцыі «Прастора» галоўнай тэмай дызайну стала выкананне з выкарыстаннем стылізацыі традыцыйных арнаментаў і сімвалаў Беларусі. Адным з іх з'яўляецца папараць-кветка. Яна дазваляе найбольш поўна падкрэсліць прыналежнасць да нацыянальнай культуры краіны і яе вытокаў. У аснову каляровага рашэння калекцыі пакладзена спалучэнне кантрасных колераў лагатыпа ІІ Еўрапейскіх гульняў.

Парадна-грамадзянскую форму распрацавала дызайнер Юлія Латушкіна. У аснове дызайну ляжыць ідэя выкарыстання трох колераў — белага, сіняга і шэрага. Галоўным элементам гэтай формы з'яўляецца стылізаваны арнаментальны васілёк, які ўпрыгожвае нацыянальныя ручнікі. Узор выкананы ў стылістыцы народнай творчасці. Форма распрацавана з улікам кліматычных умоў нашай краіны, атлетычных асаблівасцяў фігур спартсменаў і сучасных модных тэндэнцый.

Першыя беларускія атлеты заселяцца ў Вёску спартсменаў ужо ў аўторак, 18 чэрвеня. Наша каманда размесціцца ў новым будынку, атлеты будуць жыць па два чалавекі ў пакоі. «Першымі заселяцца прадстаўнікі баскетбола 3х3, бокса і стральбы з лука, а наогул засяленне беларускіх атлетаў будзе праходзіць паэтапна, — расказаў намеснік шэфа місіі беларускай дэлегацыі Дзмітрый Даўгалёнак. — Наша дэлегацыя будзе адной з самых шматлікіх, у Вёсцы таксама будуць размешчаны медыцынская група і штаб дэлегацыі».

Нагадаем спаборніцкая праграма Гульняў стартуе 21 чэрвеня з баскетбола 3х3 і бокса.

Фота Ганны ЗАНКАВІЧ

Дар'я ЛАБАЖЭВІЧ

Загаловак у газеце: Не менш, чым у Баку

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.