Вы тут

Выйшла кніга, прысвечаная II Еўрапейскім гульням


Выдавецтва «Беларуская Энцыклапедыя імя Петруся Броўкі» падрыхтавала і выпусціла ў свет кнігу на беларускай і англійскай мовах «Спорт вышэйшых дасягненняў. ІІ Еўрапейскія гульні — свята міру, спорту, дружбы народаў Еўропы» ў серыі «Беларусь спартыўная». Кніга атрымалася не проста цікавая, а ў многіх адносінах пазнавальная, з адмысловым высокамастацкім афармленнем.


З чатырох раздзелаў выдання чытач даведаецца пра гасціннасць беларусаў, пра ролю спорту ў жыцці нашай краіны, пра гісторыю выбару яе месцам правядзення Гульняў, пра выбар талісмана. Цікава, з яркімі ілюстрацыямі расказваецца пра эстафету агню «Полымя міру», пра абрысы медалёў, віртуальны даведнік, размяшчэнне гасцей у «Студэцкай вёсцы», пра валанцёраў, якія будуць задзейнічаны ў 20 розных кірунках. Асобна прадстаўлены ўсе спартыўныя арэны, на якіх пройдуць спаборніцтвы.

Знаёміць кніга і з гісторыяй — у ёй падрабязна прааналізаваны вынікі першых Гульняў, што адбыліся ў горадзе Баку ў 2015 годзе. Пры гэтым асноўная ўвага аддаецца менавіта дасягненням беларускіх спартсменаў. Дадзены падрабязны экскурс і ў гісторыю алімпійскага руху ў Беларусі — на старонках выдання можна пабачыць фатаграфіі вядомых у мінулым спартсменаў, даведацца пра іх дасягненні, пазнаёміцца з сучаснымі алімпійцамі, якія заваявалі ў гісторыі незалежнай Беларусі 96 медалёў, у тым ліку 20 залатых, 32 сярэбраныя, 44 бронзавыя.

Завяршае кнігу алімпійскі слоўнік на беларускай і англійскай мовах, а агністае лісяня Лесік шчыра запрашае ўсіх адкрыць для сябе Беларусь.

Міхаіл БЕРДНІК

Загаловак у газеце: Да свята спорту і дружбы

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.