Вы тут

Дажджы з захаду ідуць на Беларусь


На гэтым тыдні ў нашай краіне стаяла па-летняму цёплае надвор'е. Тэмпературны фон за першую палову тыдня на 3—7 градусаў перавысіў кліматычную норму. Але не ўсё кату ў смятане купацца — ужо ў наступныя дні надвор'е пачне мяняцца, і ў другой палове пятніцы тэрыторыя краіны апынецца пад уплывам франтальнага падзелу, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.


Фота: fotokto.ru

У суботу атмасферны фронт перамесціцца на паўднёвы ўсход краіны, і ўслед за ім пачне паступаць больш халоднае паветра. Таму ў гэты дзень месцамі па краіне, а днём па Гомельскай і Магілёўскай абласцях на большай частцы тэрыторыі пройдуць кароткачасовыя дажджы, у асобных раёнах з навальніцамі. Тэмпература паветра ўначы складзе 10—15 градусаў вышэй за нуль, па паўночным захадзе краіны — 8—9 цяпла. Удзень будзе ад плюс 17 да плюс 24 градусаў.

Уначы на нядзелю надвор'е супакоіцца, будзе пераважна без ападкаў. Удзень пад уплывам малаактыўнага фронту месцамі, у асноўным па заходняй частцы краіны, пройдуць кароткачасовыя дажджы, магчымы навальніцы. Тэмпература паветра ўначы складзе ад плюс 5 да плюс 11 градусаў, па паўднёвым усходзе краіны — да 12—13 цяпла. Тэмпература знізіцца і днём, калі будзе ад плюс 15 па паўночным захадзе да 23 цяпла па паўднёвым усходзе краіны.

Паводле папярэдніх прагнозаў айчынных сіноптыкаў, у панядзелак уначы на большай частцы тэрыторыі краіны, а ўдзень месцамі пройдуць кароткачасовыя дажджы. У асобных раёнах прагрымяць навальніцы. Тэмпература паветра ўначы складзе 5—12 цяпла, удзень па краіне будзе ад плюс 15 да 22 градусаў цяпла.

Сяргей КУРКАЧ

Загаловак у газеце: Дажджы ідуць з захаду

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.