Ва Украіне прынялі закон аб ўкраінскай мове як адзінай дзяржаўнай

Вярхоўная Рада Украіны прыняла закон «Аб забеспячэнні функцыянавання ўкраінскай мовы як дзяржаўнай», піша meduza.io.

Закон вызначае ўкраінскую мову як адзіную дзяржаўную і робіць яе абавязковай да выкарыстання ў публічных сферах - у тым ліку, у адукацыі, культуры і сферы абслугоўвання. На сферу асабістых зносін дзеянне закона не распаўсюджваецца.

За парушэнне нормаў аб выкарыстанні ўкраінскай мовы ўводзяцца штрафы. Акрамя таго, у дакуменце прадугледжана крымінальная адказнасць за «публічнае прыніжэнне» дзяржаўнай мовы ці непавагу да яе.

Дакумент падтрымалі 278 дэпутатаў пры мінімальна неабходных 226 галасах. У першым чытанні законапраект быў прыняты ў кастрычніку 2018 года. Пасля гэтага да яго падалі больш за дзве тысячы паправак.

• Прэзідэнт Украіны Пётр Парашэнка, які 21 красавіка прайграў у другім туры прэзідэнцкіх выбараў Уладзіміру Зяленскаму, заявіў, што будзе рады падпісаць закон аб ўкраінскай мове да сыходу з пасады кіраўніка дзяржавы.
• У 2012 годзе ва Украіне прынялі закон аб моўнай палітыцы, які замацоўваў за ўкраінскай мовай статус рэгіянальнай у шэрагу абласцей. Пасля змены ўлады ў краіне ў 2014 годзе Вярхоўная рада адмяніла закон, але Аляксандр Турчынаў, які выконваў абавязкі прэзідэнта, адмовіўся зацвердзіць гэтае рашэнне. Закон страціў сілу ў 2018 годзе, так як быў прызнаны неканстытуцыйным.