Водападрыхтоўчая ўстаноўка першага энергаблока Беларускай АЭС пачала напрацоўку часткова абяссоленай і хімічна абяссоленай вады ў аўтаматычным рэжыме, паведамляецца на сайце групы кампаній ASE (генеральны праекціроўшчык і генеральны падрадчык БелАЭС).
Неабходнасць выкарыстання часткова абяссоленай і хімічна абяссоленай вады пры эксплуатацыі атамных энергаблокаў абумоўлена патрабаваннямі тэхнічнай бяспекі, так як спецыялізаваная ачышчаная вада мінімізуе колькасць адкладаў на паверхнях абсталявання, якія перадаюць цяпло, першага і другога контураў рэактарнай устаноўкі і тым самым гарантуе бяспечную працу энергаблокаў.
На этапе эксплуатацыі водападрыхтоўчая ўстаноўка забяспечвае вытворчасць абяссоленай вады для тэхналагічных сістэм першага контуру, другога контуру, брызгальных басейнаў, пускарэзервовай кацельні і інш.
"Наяўнасць часткова і хімічна абяссоленай вады - неабходная ўмова для правядзення паслямантажных ачыстак, пусканаладачных работ і пачатку гідраўлічных выпрабаванняў трубаправодаў і абсталявання першага і другога контураў энергаблока", - распавёў віцэ-прэзідэнт-дырэктар праекта па будаванню Беларускай АЭС АТ ІК "АСЭ" Віталій Палянін.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
