Вы тут

Рэспубліканскі фестываль "Студэнцкія гульні БДУ – 2019" стартуе 23 лютага


Яго ўдзельнікамі стануць больш як 200 юнакоў і дзяўчат у складзе 28 каманд. Яны будуць змагацца за галоўны прыз - Кубак Фестывалю і пуцёўкі на чэмпіянат Беларусі па гульні “Што? Дзе? Калі?”.


Юныя інтэлектуалы прымуць удзел у турнірах па медыя-гульні, гульні “Эрудыт-квартэт”, у чэмпіянаце “Што? Дзе? Калі?” і турніры “БДУ-квіз па-беларуску ". Таксама ў рамках фестывалю пройдзе Студэнцкі чэмпіянат Беларусі па каманднай “Сваёй гульні".

Напрыклад, у “Эрудыт-квартэце” трэба выбраць правільны адказ з шэрагу прапанаваных варыянтаў. Паралельна гуляюць чатыры чалавекі з каманды, кожны з якіх адказвае на пытанне з тэматычнага блока. Усяго ў “Эрудыт-квартэце” —  тры туры. Тэмы першага круга вядомыя ўдзельнікам загадзя. У другім туры ў каманды ёсць хвіліна, каб размеркавацца па толькі што агучаных тэмах. А ў фінальным раўндзе члены каманды дзеляцца загадзя і толькі пасля даведаюцца пра тэму пытанняў. Задача каманды — выбудаваць стратэгію, дзякуючы якой кожны з удзельнікаў будзе адказваць на пытанні добра вядомай яму тэмы.

Спаборнінцтвы “БДУ-квіз па-беларуску” разлічаны на кемлівасць. Студэнты павінны адказаць на дзесяць самых розных пытанняў, якія ахопліваюць веданне музыкі, літаратуры, гісторыі, кінамастацтва і тэатральнай культуры.

Завершыцца фестываль 24 лютага ўрачыстым узнагароджаннем каманд-пераможцаў і лаўрэатаў “Студэнцкіх гульняў БДУ — 2019”. Тры найлепшыя каманды ў далейшым будуць змагацца за кубак чэмпіянату Беларусі па інтэлектуальных гульнях сярод студэнтаў.

Арганізатарамі мерапрыемства выступіў БДУ пры падтрымцы Беларускай лігі інтэлектуальных каманд.

Надзея НІКАЛАЕВА

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.